skol
startimes

Somalia: Imfungwa za Al Shabab zarasaniye muri gereza n’abashinzwe umutekano hapfa abantu

Amakuru   Yanditswe na: Dusingizimana Remy 11 August 2020 Yasuwe: 868

Abantu bagera ku 10 bishwe muri Somalia mu kurasana kwabaye hagati y’intagondwa zifunze zo mu mutwe wa al-Shabab n’abashinzwe umutekano, nkuko bivugwa n’umuvugizi wa leta Ismail Mukhtar.


Izo ntagondwa zo mu mutwe wa al-Shabab zari zagerageje gutoroka gereza irinzwe bikomeye yo mu murwa mukuru Mogadishu.

Hatangiye iperereza ku kuntu izi ntagondwa zifunze zashoboye kubona intwaro.

Hari amakuru amwe avuga ko imfungwa imwe yashoboye kwambura intwaro umurinzi wa gereza, nuko nyuma itsinda ry’imfungwa ryirara mu bubiko bw’intwaro.

Umunyamukuru wa BBC Bella Sheegow uri i Mogadishu avuga ko uko kurasana kwabaye ejo ku wa mbere kwateye ikimwaro cyinshi leta ya Somalia, cyane ko iyo gereza - ya kabiri mu bunini mu gihugu - irinzwe n’ingabo zo mu mutwe kabuhariwe.

Icyo gitero cyasubijwe inyuma hamaze kwitabazwa abandi bashinzwe umutekano bo kunganira abasanzwe barinda iyo gereza.

’Nta mfungwa zatorotse’

Abafatwa nka ruharwa bo muri al-Shabab ni bo bafungirwa muri iyo gereza, barimo n’abamaze gukatirwa igihano cyo gufungwa burundu cyangwa abategereje guhabwa igihano cy’urupfu bakatiwe n’inkiko.

Mu mwaka wa 2017, imfungwa nabwo zari zagerageje gutoroka iyi gereza, ndetse leta yari isanzwe iri kotswa igitutu cyo kurinda ko uko kugerageza gutoroka kongera kubaho, nkuko umunyamakuru wacu Bella uri i Mogadishu akomeza abivuga.

Hassan Hussein Haji, Minisitiri w’ubutabera w’agateganyo wa Somalia, yagize ati:

"Nta kintu na kimwe tuzasiga inyuma. Leta iri gukora iperereza ku kuntu ibi byashoboye kuba n’uwabigizemo uruhare ndetse n’uwafashije imfungwa kubona intwaro".

Bwana Mukhtar, wa muvugizi wa leta ya Somalia, yavuze ko nta mfungwa zatorotse.

Yavuze ko intagondwa enye ziciwe muri uko kurasana.

Ntabwo yatanze amakuru arenzeho ajyanye n’abandi batandatu bishwe, usibye kuvuga ko hari n’abapfuye bo mu barinzi ba gereza.

Al-Shabab, ikorana n’umutwe wa al-Qaeda, imaze imyaka irenga icumi ibiyogoza muri Somalia.

Yatsinzwe i Mogadishu n’ingabo za leta ya Somalia zifatanyije n’ingabo z’ibihugu bimwe - birimo n’u Burundi - zoherejwe n’umuryango w’Ubumwe bw’Afurika kubungabungayo amahoro.

Ariko muri uwo mujyi izi ntagondwa ziracyahagaba ibitero-shuma (bya hato na hato) by’ibisasu ndetse no kwica abantu bamwe na bamwe mu buryo bwagambiriwe.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cameroon: Abasirikare bafunzwe kubera kwica abagore n’abana bigafatwa kuri...

Abasirikare bane bo muri Cameroun bakatiwe gufungwa imyaka 10 kubera...
22 September 2020 Yasuwe: 645 0

Umugore ukekwaho koherereza Trump ibaruwa irimo uburozi yafashwe

Umugore ukekwaho kohereza ibaruwa irimo uburozi kuri Perezida Donald Trump...
21 September 2020 Yasuwe: 1114 0

Amerika yongereye ingabo muri Syria nyuma yo gukozanyaho n’Uburusiya

Amerika yongereye abasirikare isanzwe ifite muri Syria nyuma yuko...
19 September 2020 Yasuwe: 2692 0

Uganda: Imfungwa 200 zatorotse gereza ziba n’imbunda za Leta

Abategetsi bavuga ko imfungwa zirenga 200 zaraye zitorotse gereza yo mu...
17 September 2020 Yasuwe: 1306 0

Inyeshyamba zirwanya ubutegetsi bw’u Burundi ziyemeje kubuhirika ku...

Inyeshyamba zo mu mutwe wa Red Tabara zatangaje ku mugaragaro ko zigiye...
16 September 2020 Yasuwe: 4617 0

Perezida Trump yongeye guha gasopo Iran ivugwaho gushaka gukora mu jisho...

Perezida Donald Trump wa Leta Zunze Ubumwe z’Amerika yasezeranyije "gukuba...
15 September 2020 Yasuwe: 928 0