Minisitiri w’intebe muri Somaliya yemereye abanyagihugu ko aba al-Shabab bakoze igitero kuri hoteri isurwa cyane i Mogadishu bazabyishyura.

Sponsored Ad

Minisitiri w’intebe muri Somaliya yemereye abanyagihugu ko aba al-Shabab bakoze igitero kuri hoteri isurwa cyane i Mogadishu bazabyishyura.

Icyo gitero cyahitanye abantu 21, hamwe n’117 bakomeretse.

Uyu mutegetsi yatangaje ibi nyuma yo gusura ibitaro byakiriye inkomere z’icyo gitero.

Minisitiri w’intebe, Hamza Abdi Barre yavuze ko abo bose bananiwe gukora ibyo bashinzwe, cyangwa utaratabaye uko bikwiye azabibazwa. Icyakora nta numwe yaba leta cyangwa abantu ku giti cyabo yatunze agatoki.

Mukhtar Robow, yahoze yungirije umukuru wa al-Shabab, ubu akaba ariwe Minisitiri ushinzwe iby’amadini, yaneguye ico gitero, co kimwe n’abandi bakuru b’amadini.

Abasirikare ba leta basubije ibintu mu buryo nyuma y’amasaha 30 barwana na al-Shabab kuri iyo hoteri.

Al-Shabab imaze kugaba ibitero ku mahoteri, ku bigo bya leta n’ibindi bigo kuva mu 2010.
Abakurikiranira ibintu hafi muri iki gihugu bavuga ko Al-shabab yakoze ubwo bwicanyi kubera gusemburwa na Prezida mushya uheruka gutorwa muri Somaliya, Hassan Sheikh Mohamud.

Uyu yavuze ko yaje azanye umurongo mushya wo kugabanya ingufu za al-Shabab mbere yo gufungura ibiganiro nabo.
VOA