startimes

Tanzania: Abapolisi bo mu muhanda bazanye inda nini imbere bagiye guhindurirwa imirimo

Amakuru   Yanditswe na: Dusingizimana Remy 25 May 2020 Yasuwe: 2816

Minisitiri w’ubutegetsi bw’igihugu muri Tanzania,George Simbachewene,yavuze ko abapolisi bo mu muhanda (traffic police) bazanye inda nini bagiye guhindurirwa imirimo bakurwe ku gukora mu muhanda kuko bahesha isura mbi urwego rwa polisi.



Ibitangazamakuru byo muri Tanzania byasubiyemo amagambo ya Minisitiri George Simbachewene yavuze mu mpera y’icyumweru gishize.

Yagize ati:“Ntabwo [inda nini] zishamaje, ahubwo se ni gute umupolisi azana inda nini?”

“Bamwe mu bapolisi bacu bitwaza umwambaro w’akazi bambaye bakaka ruswa abatwara moto [aba-motards]. Ndasaba abapolisi bose gukurikiza amategeko”.

Bwana Simbachewene yategetse umukuru wa polisi ya Tanzania witwa Simon Sirro guhindurira inshingano abo bapolisi bo mu muhanda bazanye inda nini, bagahabwa indi mirimo idatuma bagaragara mu muhanda ndetse bagakora itababangamira.

Uyu George Simbachewene yavuze ko umupolisi ufite inda nini adakwiriye gukora ku muhanda kuko aka kazi gasaba kuba ubangutse.

Ibi uyu muyobozi yabitangaje ubwo yarimo gukora ubugenzuzi mu mujyi wa Dodoma kuwa Gatandatu tariki ya 23 Gicurasi 2020, akabona harimo bamwe mu bapolisi bafite inda nini cyane imbere.

Uyu mugabo ntiyabuze gutangaza ko izi nda nini z’aba bapolisi zituma benshi bavuga ko igipolisi cya Tanzania kirimo abarya ruswa ndetse byatumye banazana inda imbere.

Yaburiye abapolisi bose bashinjwa kurya cyane ruswa y’abamotari ko babireka hakiri kare kuko bishobora kuzabagiraho ingaruka mbi.

Umwe mu mpirimbanyi z’uburenganzira bwa muntu yanditse ubutumwa ku rubuga rwa Twitter asaba ko iyo gahunda nshya idakwiye kuzavamo ivangura.

Tanzania yiganye igihugu cya Pakistan cyandikiye abapolisi basaga ibihumbi 170 mu gihugu mu myaka 2 ishize, babasaba kugabanya ibiro kandi uwo bizananira akirukanwaa ku kazi igitaraganya.

Iki gihugu cyavuze ko abapolisi babyibushye baba batazi kunyaruka ku buryo umugizi wa nabi cyangwa undi wese ugerageje kwica amategeko batabasha kumufata ngo aryozwe ibyaha bye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble MUSHABITSI

    Ni mubihorere, kuko bo barahaze. Ahubwo abatarazana inda nini , nibo bazajya barya iyo ruswa ntimurabukwe. Ubu se ntibyaba ari ivangura rishingiye ku miterere y’umubiri w’umuntu. Mubanze mubisuzume neza. Abananutse, bafite inda z’udusentire ntubarya ruswa. Ibyo muri TZ rwose bisigaye ari ibitwenge gusa gusa.

    1 month ago

Inzindi nkuru

Mali:Abigaragambya bateye Radio na TV by’igihugu babibuza gukora

Abigaragambya muri Mali baraye batumye radio na televiziyo by’igihugu...
11 July 2020 Yasuwe: 728 0

Umugabo yatemye abana 2 b’imyaka 6 abaziza guca ibigori mu murima...

Mu gihugu cya Kenya haravugwa inkuru y’abana babiri b’imyaka 6 batemwe...
9 July 2020 Yasuwe: 2516 0

BURUNDI: Hongeye guterwa Gerenade yahitanye umuntu umwe ikomeretsa abasaga...

Umuntu umwe yaraye apfuye, abarenga icumi barakomereka mu gitero cya...
9 July 2020 Yasuwe: 2103 1

Ishusho ya Haile Selassie wabaye umwami w’abami wa Ethiopia yabomowe i...

Ishusho ya Haile Selassie wabaye umwami w’abami (empereur/emperor) wa nyuma...
2 July 2020 Yasuwe: 1243 0

Ethiopia: Abantu 10 bamaze gupfira mu myigaragambyo yamagana ubwicanyi...

Abantu barenga 10 bamaze gupfa abarenga 80 barakomereka kuva ejo kuwa...
1 July 2020 Yasuwe: 930 0

Burundi: Umuhungu wa Nkurunziza yazamuriwe Ipeti ku munsi w’Ubwigenge

Kuri uyu wa Gatatu tariki ya 1/7/2020 nibwo igihugu cy’u Burundi n’u Rwanda...
1 July 2020 Yasuwe: 7881 0