Tanzania yatangiye guta muri yombi abaturage bose bo mu cyaro cya Ngola

Amakuru   Yanditswe na: Nsanzimana Ernest 18 August 2018 Yasuwe: 1427

Polisi ya Tanzania ikorera mu karere ko mu majyepfo ashyira uburengerazuba bw’iki gihugu, yatangiye guta muri yombi abaturage ishinja kwangiza impombo z’amazi.
Abari gutabwa muri yombi ni abaturage bose batuye mu cyaro cya Ngola.
Ku wa gatatu, nibwo Albert Chalamila ukuriye polisi muri ako karera yatanze iryo tegeko.

Aba baturage bashinjwa kwangiza iriba rifite agaciro kabarirwa mu madolari ibihumbi 20 y’Amerika ryo mu cyaro cya Masheye, riri mu kibaya mu karere ka Mbeya.
Icyaro batuyemo cya Ngola cyo kiri ahantu mu ibanga ry’umusozi, kikaba kitagerwamo n’amazi - ibi bikaba byibazwa ko ari byo byarakaje abaturage bagera ku 1600 batuye iki cyaro cya Ngola.

Bwana Chalamila yabwiye umunyamakuru wa BBC Maximiliana Mtenga ko abatuye iki cyaro bose bakwiye kubiryozwa. Umuyobozi w’umudugudu na we ari mu bamaze gutabwa muri yombi.

Yagize ati: "Muri jye numvise ari ingenzi ko polisi ijyayo ikabata muri yombi. Mu gihe kizaza, bazajya babungabunga ibikorwa-remezo."
Yongeyeho ko bamwe mu batuye icyaro cya Masheye na bo bazabiryozwa.
Yagize ati: "Iyo dushyizeho ibikorwa-remezo, tureka abaturage bakaba ari bo babibungabunga."

"Abagize utunama two mu byaro dushinzwe kwita ku mazi na bo bashinzwe kubungabunga ibikorwa-remezo."
Polisi ifite ububasha bwo kuba ifunze abo yataye muri yombi mu gihe kitarenze amasaha 48, hanyuma ikabashyikiriza urukiko.

BBC

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 479 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 2623 0

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 465 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2601 1

Umurundi w’ imyaka 22 yateze na bagenzi be amira ikwanga riramuhitana

Nduwayo Desire, Umurundi wo muri zone Matyazo, komine Mubimbi yapfuye azize...
4 December 2018 Yasuwe: 2302 1

Uganda: Umuhanzikazi warokotse impanuka y’ ubwato ati ‘Ndiho ariho...

Umuririmbyi Iryn Namubiru umwe muri 26 barokotse impanuka ikomeye y’ ubwato...
26 November 2018 Yasuwe: 1619 0