Leta ya Somalia yatangaje ko uwagize uruhare mu ishingwa rya al-Shabab akaba no mu bayobozi bakuru bayo , Abdullahi Nadir, yiciwe mu gitero yagabweho mu mpera z’iki cyumweru mu ntara ya Middle Jubba iri mu majyepfo.

Sponsored Ad

Leta ya Somalia yatangaje ko uwagize uruhare mu ishingwa rya al-Shabab akaba no mu bayobozi bakuru bayo , Abdullahi Nadir, yiciwe mu gitero yagabweho mu mpera z’iki cyumweru mu ntara ya Middle Jubba iri mu majyepfo.

Minisiteri y’itangazamakuru muri Somalia yavuze ko Nadir yari umukuru w’urwego rushinzwe amatwara y’idini muri al-Shabab, kandi akaba yari yarashyiriweko miriyono 3 z’idorari ry’Amerika z’igihembo ku watanga amakuru y’aho aherereye.

Iyo Minisiteri yongeye ho ko Nadir yafatwaga nk’ushobora kuzasimbura umuyobozi mukuru uriho ubu, Omar Diriye – uzwi nka Abu Ubaidah – mu gihe hashize igihe bivugwa ko “arembye”.

Ibitangazamakuru byigenga byavuze ko Nadir yiciwe mu gitero cy’indege itagira umupirote izwi nka drone.

Urwego rushinzwe amakuru muri Somariya rwashimangiye ko abashinzwe umutekano bishe na Nadir ku bufatanye n’amahanga abaha amakuru y’ubutasi ,icyakora ntibavuga ku by’igetero cya Drone.

Ubuyobozi bw’igisirikare cya Amerika ku mugabane wa Afrika, bukunze kugaba ibitero ku bayobozi ba al-Shabab no ku birindiro byayo, ntacyo buravuga kuri ibyo biheruka kuba.

BBC