Humvikanye amatangazo aburira ku bitero byo mu kirere mu murwa mukuru wa Ukraine, Kyiv mu ijoro rya nijoro ku cyumweru, mu gihe urundi rukurikirane rw’ibitero bya za ndege zitagira abapilote (drones) hamwe na za misile by’Uburusiya bikomeje
Igitero cyatangiye mbere gato ya saa sita z’ijoro cyakozwe ku kigo gikomeye, nk’uko Meya wa Kyiv Oleksiy Kuleba abivuga.
Umugabo umwe yakomeretse i Kyiv mu bisigazwa bya drone y’Uburusiya yarashwe, nk’uko umukuru w’uyu mujyi abitangaza.
Ibitero byarakomeje (...)

Sponsored Ad

Humvikanye amatangazo aburira ku bitero byo mu kirere mu murwa mukuru wa Ukraine, Kyiv mu ijoro rya nijoro ku cyumweru, mu gihe urundi rukurikirane rw’ibitero bya za ndege zitagira abapilote (drones) hamwe na za misile by’Uburusiya bikomeje

Igitero cyatangiye mbere gato ya saa sita z’ijoro cyakozwe ku kigo gikomeye, nk’uko Meya wa Kyiv Oleksiy Kuleba abivuga.

Umugabo umwe yakomeretse i Kyiv mu bisigazwa bya drone y’Uburusiya yarashwe, nk’uko umukuru w’uyu mujyi abitangaza.

Ibitero byarakomeje mu minsi itari mike kugeza muri izi ntangiriro z’umwaka mushya.

Icyakora, igisirikare cya Ukraine kivuga ko abasirikare 400 b’Uburusiya bishwe bucya hatangira umwaka mushya ahitwa Makiivka, mu ntara ya Donetsk iri mu maboko y’Uburusiya.

Mu bintu bitahise biba, abategetsi begamiye k’Uburusiya bemera ko batakaje. Ariko Uburusiya bwanze kwemeza umubare w’abapfuye, kandi BBC ntiyashoboye kubihinyuza.

Ibi bibaye nyuma y’aho Perezida Volodymyr Zelensky wa Ukraine yifurije intsinzi no kugarura ubuzima busanzwe muri Ukraine muri uyu mwaka wa 2023.

Mu ijambo ry’umwaka mushya yatanze kuri Televiziyo y’Uburusiya, Perezida Vladimir Putin yavuze ko Uburusiya buzarwana kugira buharanire ubusugire n’ubwigenge byabwo.

Igisirikare cya Kyiv cyasohoye itangazo ryo kwamagana ibi bitero inyuma gato yaa sabaz’ijoro kuri uyu wa mbere.

Kiti"Igitero cy’indege kuri Kyiv... turamagana ko hari igitero cy’indege ku murwa mukuru",nibwo butumwa cyacishije ku rubuga rwa Telegram.

Serhiy Popko, umukuru w’igisirikare muri uwo mujyi, yasabye abaturage kuguma mu mazu.

BBC