Amerika yatangaje ko Uburusiya bwakoresheje rwihishwa amadolari arenga miriyoni 300 kuva mu 2014 ishaka guhendahenda abanyaporitike mu bihugu birenga 24.

Sponsored Ad

Amerika yatangaje ko Uburusiya bwakoresheje rwihishwa amadolari arenga miriyoni 300 kuva mu 2014 ishaka guhendahenda abanyaporitike mu bihugu birenga 24.

Minisitiri y’ububanyi n’amahanga yabitangaje yishingikirije amakuru y’iperereza yashyizwe ku karubanda ku munsi w’ejo kuwa 2.

Umwe mu bayobozi bakuru bo mu butegetsi bwa Perezida Joe Biden yagize ati: "Twibaza ko aka ari akantu kamwe mu bintu byinshi”.

Uburusiya ntacyo buratangaza kuri ibi. Moscou ikomeza gushinja Washington kwivanga mu buzima bw’ibindi bihugu.

Mu mwaka ushize, abategetsi bo mu iperereza ry’ Amerika banditse mu cyegeranyo ko Perezida Vladimir Putin yaba yaragerageje gutanga uruhushya rwo kwivanga mu matora ya 2020 muri Amerika ku nyungu z’uwahoze ari umukuru w’iki gihugu Donald Trump.

Icyakora iki cyegeranyo kivuga ko nta reta yo mu kindi gihugu yagize uruhara mu byavuye mu matora.

Uburusiya buvuga ko ibi birego byo kwivanga mu matora “bitagira ishingiro”.