skol
startimes

Ubutaliyani: Abigaragambya bamagana amabwiriza mashya yo kwirinda Covid-19 bateye abapolisi amacupa yaka umuriro

Amakuru   Yanditswe na: Dusingizimana Remy 27 October 2020 Yasuwe: 1218

Ejo ku wa mbere mu Butaliyani hatangiye imyigaragambyo irimo urugomo kubera ingamba nshya zo guhangana n’inkubiri ya kabiri ya Covid.


Imirwano yavuzwe mu mijyi myinshi ikomeye mu gihugu - nka Turin, aho bateraga abapolisi amacupa yaka umuriro (Molotov cocktails).

I Milan hakoreshejwe ibyuka biryana mu maso mu gutatanya abigaragambya, mu gihe kandi imyigaragambyo yavuzwe no mu mujyi wa Naples.

Byatangiye nyuma y’uko leta itegetse ifungwa ry’ama-restaurants, utubari, inzu z’imyitozo ngororamubiri na cinema guhera saa kumi n’ebyiri z’umugoroba ku isaha yaho.

Uduce twinshi tw’iki gihugu kandi twatangaje umukwabu wa nijoro - utwo turimo nka Lombardie, aho umujyi wa Milan uri, na Piedmont, aho umujyi wa Turin uri.

Imyigaragambyo yabaye kandi no mu yindi mijyi myinshi irimo Rome na Palermo.

Mu gihe amabwiriza yo kuguma mu rugo mu ntangiriro z’uyu mwaka yubahirijwe mu mahoro, amabwiriza mashya yo rubanda yahise iyamagana.

Abakora ubushabitsi butoya bavuze ko bari batangiye koroherwa n’ingaruka za ’guma mu rugo’ ya mbere, bityo ko andi mabwiriza nk’aya yatuma bahomba burundu.

Amaduka amwe n’amwe akomeye mu mujyi wa Turin yasahuwe n’abantu bahise bisuka mu mihanda ubwo amasaha yo kubahiriza amabwiriza yari ageze.

Ibiro ntaramakuru Reuters bivuga ko abigaragambya batwitse ibintu mu mihanda, mu gihe polisi nayo yakoreshaga imyuka iryana mu maso mu guhangana nabo.

I Milan, rubanda bateraga hejuru bati "ubwisanzure, ubwisanzure, ubwisanzure!" mu gihe barimo barwana n’abapolisi rwagati muri uyu murwa mukuru wa Lombardie, agace kazahajwe cyane n’iyi virusi.

Ahandi i Burayi byifashe bite?

Mu murwa mukuru w’Ububiligi, Brussels, inzu z’imyitozo ngororamubiri na za ’piscine’ byafunzwe, amaduka nayo agomba gufunga saa yine z’ijoro. Abantu bategetswe kwambara udupfukamunwa aho bahurira.

Hagati aho abaganga mu mujyi wa Liège mu Bubiligi bavuze ko basabwe gukomeza bagakora, nubwo baba bafite coronavirus.

Ukuriye urugaga rw’abaganga mu Bubiligi yabwiye BBC ko nta yandi mahitamo bafite mu kwirinda ko ibitaro binanirwa gukora.

Mu Bufaransa, abahanga mu by’ubuzima baburiye ko imibare mishya y’abanduye Covid-19 ku munsi ishobora kugera ku 100,000 - inshuro ebyiri imibare ivugwa n’abategetsi.

Ubufaransa bwamaze gushyiraho amabwiriza y’umukwabu wa nijoro mu mijyi minini irimo na Paris. Muri iki gihugu abantu barenga miliyoni imwe banduye Covid-19 naho abarenga 35,000 yarabishe.

Espagne yatangaje ibihe bidasanzwe mu gihugu ndetse itegeka umukwabu wa nijoro kubera ubwandu bushya bwa Covid-19 bwongeye kuzamuka.

Espagne nayo abatangajwe ko banduye barenga miliyoni imwe naho abo Covid-19 imaze kwica barenga 35,000.

Mu Burusiya ku wa mbere babonye umubare munini w’abanduye ku munsi umwe, 17,347. Abanduye bose muri iki gihugu barenga miliyoni 1.5 ariko ukuriye umurwa mukuru Moscow, ari nawo mujyi wazahaye cyane, avuga ko ubwo bwiyongere budakabije.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Ingabo za Ethiopia zafashe Tigray"-Minisitiri Abiy

Minisitiri w’intebe wa Ethiopia Abiy Ahmed avuga ko ingabo za leta y’iki...
29 November 2020 Yasuwe: 1608 0

Ethiopia:Igisirikare cyatangiye kubyina intsinzi mu mijyi myinshi muri...

Igisirikare cya Ethiopia kivuga ko cyafashe imijyi myinshi yo mu karere ka...
28 November 2020 Yasuwe: 2242 0

Ethiopia: Intambara mu murwa mukuru w’Intara ya Tigray

Abaturage batangiye guhunga umujyi wa Mekele, umurwa mukuru w’intara ya...
27 November 2020 Yasuwe: 3291 0

Tanzania yagiranye amasezerano na Mozambike yateye benshi impungenge

Guverinema ya Tanzaniya ifatanyije n’iya Mozambike kurwanya ibitero...
26 November 2020 Yasuwe: 4870 0

Ethiopia: Minisitiri Abiy yiyemeje kugaba igitero simusiga kuri Tigray...

Amasaha 72 yari yahawe ingabo z’ishyaka Tigray People’s Liberation Front...
26 November 2020 Yasuwe: 1006 0

Ethiopia: Abasirikare ’barimo guhagarika’ abasivile bahunga imirwano muri...

Ingabo za Ethiopia zagabwe ku mupaka ihana na Sudan zirimo kubangamira uko...
26 November 2020 Yasuwe: 1557 0