Uganda: Polisi iri gushakisha umugabo watemaguye Se kugira ngo yigarurire ibyo yahinze

Amakuru   Yanditwe na: Ferdinand Dukundimana 22 June 2017 Yasuwe: 1089 0

Polisi n’abaturage aho umusaza yiciwe n’umuhungu we/Photo-Monitor

Polisi ya Uganda irimo irahiga umugabo wishe se urw’agashinyaguro kugira ngo yigarurire ibihingwa bye. Ibi byabereye mu Karere ka Kagadi, mu gace ka Kahanama.
Mu gitondo cyo kuri uyu wa gatatu, Uyu mugabo yishe se w’imyaka 65 amutemaguye ndetse anamutera icumu byose abigirira ngo akunde yigarurire imyaka se yahinze.

Charles Barakabya, wishwe n’umuhungu we, yari umuhinzi w’igihingwa bita vanilla kivamo ibirungo barya.

Umwana we n’umwe mu bagore ba nyakwigendera bavuze ko ubwo bari mu murima utandukanye n’uwo se yarimo aribwo bumvise urusaku rwa se atabaza avuga ko ari umuhungu we umutemye.

Ubuyobozi bw’i Kahanama aho nyakwigendera yari atuye buvuga ko uyu musaza n’umuhungu we bari bafitanye ikibazo gishingiye ku butaka bwabo.

Maniragaba Alexander, umuyobozi w’agace ka Kahanama, avuga ko nyuma yo kumenya ibyabaye bahise bahamagara inzego za polisi ngo zikurikirane iki kibazo.

Polisi ikorera mu karere ka Kagadi yatangaje ko nyuma yo kwakira amakuru, ubu batangiye igikorwa cyo gushakisha umwicanyi ngo hamenyekane niba koko uwishwe yahowe ikibazo cy’isambu yari afitanye n’umuhungu we.

Polisi ivuga ko ibyaha bishingiye ku mitungo bikomeje kwiyongera aho usanga ababyeyi n’abana babo batumvikana ku mitungo yabo. Polisi ngo izi neza ko uwishe uyu musaza yari afitanye nawe ikibazo gishingiye ku gihingwa cya vanilla afite mu murima.

Author : Ferdinand Dukundimana

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nigeria: Bombe yahitanye 15 i Maiduguri

Igitero cy’amabombe cy’abiyahuzi cyahitanye abantu cumi na batanu, abandi...
18 September 2017 Yasuwe: 298 0

Abagore bane b’Abanyamerika basutsweho acide mu maso

Abanyamerika bane b’igitsina gore basutsweko ubumara bwa Acide kuri iki...
18 September 2017 Yasuwe: 1251 0

Somaliya: Umuyobozi w’iperereza yishwe arashwe

Umutwe w’iterabwoba wa al-Shabab watangaje ko ariwo wishe umwe mu bayobozi...
18 September 2017 Yasuwe: 827 0

Abarundi 37 biciwe muri Congo bashyinguwe-AMAFOTO

Abarundi 37 bishwe barashwe mu nkambi y’impunzi iri i Kamanyola, muri...
17 September 2017 Yasuwe: 1028 0

Abapolisi b’u Rwanda bari muri Centrafrique bambitswe imidari...

Ku itariki ya 15 Nzeri, abapolisi b’u Rwanda 430 barimo ab’igitsinagore 58...
16 September 2017 Yasuwe: 392 0

Ikibazo cy’impunzi za Repubulika ya Centrafrika kigeze ahakomeye

HCR, Ishami ry’Umuryango w’Abibumbye rishinzwe impunzi, iratangaza ko ikibazo...
16 September 2017 Yasuwe: 233 0