Uganda yataye muri yombi abanyamahanga bagera kuri 36

Amakuru   Yanditwe na: Nsanzimana Ernest 10 May 2017 Yasuwe: 1263

Urwego rushinzwe abinjira n’ abasohoka muri Uganda rwatangaje ko rwataye muri yombi nibura abagera kuri 36 bazira kuba muri iki gihugu badafite ibyangombwa bibemerera kuhaba.

Uko ari 36 bafatiwe mu masoko atandukanye yo mu mujyi wa Kampala abandi bafatirwa mu nzira batembera.

Madamu Josephine Ekwang Ali, komiseri w’ urwego rushinzwe abinjira n’ abasohoka ushinzwe ubugenzuzi n’ amategeko yavuze ko abo ba nyamahanga bafatiwe mu mukwabu bakoze kuri uyu wa 9 Gicurasi 2017.

Ati “Mu mukwabu twakoze twasanze bamwe badafite ibyangombwa, abandi bafite ibyataye agaciro. Twataye muri yombi abagera kuri 36”

Abatawe muri yombi barimo abo mu Buhinde , Pakistan, u Bushinwa, Eritereya na Bangladesh.

Abafashwe boherejwe kuri minisiteri y’ ububanyi n’ amahanga, abafite ibyangombwa bararekurwa abatabifite bacibwa amande abandi boherezwa mu bihugu bavukamo.

Komiseri Madamu Ekwang yavuze ko kuva muri Werurwe bamaze gufata abagera ku 1654, muri bo abagera kuri 204 boherejwe mu bihugu byabo.

Mu bafashwe harimo abakobwa babiri b’ abanyeshuri bafite ibyangombwa byenda guta agaciro nyamara batari bagatangiye inzira zo kubyongerera igihe.

Umwe muri abo bakobwa yabwiye Dail monitor dukesha iyi nkuru ati “Badufashe tuvuye ku ishuri tugiye mu rugo, turi muri iki gihugu byemewe n’ amategeko, ntitwumva impamvu batuzanye aha”

Abo banyeshurikazi barekuwe ariko basabwa kongerera igihe ibyangombwa byabo. Ibyangombwa bivugururwa buri mwaka ku madorari 100 y’ Amerika.

Madamu Ekwang yasabye abanyamahanga bari muri Uganda kujya bitwaza ibyangombwa aho bagiye hose kugira ngo birinde inkurikizi zishobora kubageraho.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Igiporisi cya Kenya cyahitanye babiri bari mu myigaragambyo

Abatavugarumwe n’ubutegetsi mu gihugu cya Kenya babiri bari mu myigaragambyo...
13 October 2017 Yasuwe: 1184 0

Somalia: Minisitiri w’Ingabo n’umugaba mukuru beguriye icyarimwe

Ubutegetsi bw’Igihugu cya Somalia batangaje ko Minisitiri w’ingabo,...
13 October 2017 Yasuwe: 1994 0

Perezida Museveni yahinduranyije ubuyobozi bw’ingabo za Uganda

Kuri uyu wa mbere tariki ya 09 Ukwakira 2017 Perezida wa Uganda, Yoweli...
10 October 2017 Yasuwe: 2496 0

Umusirikare umwe wa ONU yiciwe muri Congo abandi barakomereka

Umutwe w’Umuryango w’abibumbye ONU ushinzwe kugarura umutekano muri Republika...
9 October 2017 Yasuwe: 729 0

Accra yibasiwe n’iturika rya gaz ryahitanye batatu

Muri Ghana abantu batatu bahitanywe n’ibintu byaturitse cyane mu murwa...
8 October 2017 Yasuwe: 579 0

Malia Obama habuze gato ngo abe mu nzirakangane zishwe n’ umwicanyi w’ I Las...

Stephen Paddock warashe akica abantu 59 mu gitero cyabereye I Las Vegas...
8 October 2017 Yasuwe: 7749 0