Umuvandimwe wa Lionel Messi arashakishwa na polisi ya Argentine

Amakuru   Yanditswe na: Nsanzimana Ernest 2 December 2017 Yasuwe: 665

Polisi ya Argentine irashakisha mukuru wa rutahizamu w’ ikipe y’ igihugu ya Argentine Lionel Messi, witwa Matias Messi.

Polisi ya Argentine ivuga ko yabonye mu bwato bwa Matias Messi imbunda yo mu bwoko bwa pisitoli yuzuyeho amaraso nyuma y’ uko uyu mugabo ayitabaje avuga ko yakomereketse.

Amakuru avuga ko Matias Messi yari atwaye ubwato akagonga umucanga bigatuma akomereka mu maso.

Umushinjacyaha Jose Luis Caterina yashyizeho impapuro zo guta muri yombi Matias Messi kubera iyo mbunda yabonetse iriho amaraso.

Umwavoka w’ umuryango wa Messi Ignacio Carbone, avuga ko nta mbunda yari mu bwato bwa Matias Messi. Avuga ko impanuka ikimara kuba yahise ajyanwa mu ivuriro riri ahitwa Sanatorio del Parque kugira abagwe mu rwasaya.

Si ubwa mbere uyu muvandimwe wa Messi ashakishijwe n’ ubucamanza bwa Argentine kuko no muri 2016, uru rwego rwamushatse kubera imbunda yari yabonetse mu modoka ye. Muri 2008 yatawe muri yombi ku cyaha cyo gutwara imbunda binyuranyije n’ amategeko. Muri 2012 Matias Messi yasimbutse urupfu.

Aya makuru yumvikanye nyuma y’ iminsi mike, Barcelona itangaje ko yongere amasezerano umukinnyi Lionel Messi aho agiye kujya ahebwa amadorali y’ Amerika 667,000 buri cyumweru bimugira umukinnyi wa mbere ku isi uhembwa menshi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zimbabwe: Bisi yahiye yica abagenzi barenga 40 abandi barakomereka

Abagenzi 42 nibo bimaze kwemezwa ko baguye mu mpanuka ya bisi nyuma y’aho...
16 November 2018 Yasuwe: 1066 0

Abasirikare ba Malawi bishwe n’ umutego muri Kongo

Igihugu cya Malawi cyatangaje ko bane mu basirikare bacyo bari mu butumwa...
16 November 2018 Yasuwe: 1197 1

Umunyamategeko Muhereza yarasiwe I Kampala (yavuguruwe)

Umunyamategeko ukorera mu mujyi wa Kampala Wilbert Muhereza yajyanywe mu...
16 November 2018 Yasuwe: 2695 0

Abanyarwanda ibihumbi 14 baba muri Uganda bagiye kwirukanwa

Guverinoma ya Uganda irimo gutegura umugambi wo kwambura ubuhunzi...
16 November 2018 Yasuwe: 2362 0

Uganda: Abana bahiriye ku ishuri 10 barapfa abandi barakomereka

Igitero bikekwa ko ari icya abagizi ba nabi cyagabwe mu kigo cy’ ishuri riri...
13 November 2018 Yasuwe: 854 0

Abasirikare 3 b’ u Burundi bafashwe n’ ingabo za Kongo

Abasirikare batatu b’ u Burundi batatangajwe amazina n’ amapeti bafatiwe mu...
13 November 2018 Yasuwe: 1287 0