Abagororwa 28 bakurikiranyweho kwigomeka ku buyobozi bwa gereza ya Nyarugenge

Amakuru   Yanditswe na: Dusingizimana Remy 9 July 2019 Yasuwe: 4313

Ikigo cy’igihugu gishinzwe imfungwa n’abagorwa RCS,cyatangaje ko ibyavuzwe ko habaye imyigaragambyo muri iyi gereza ari ibinyoma ko ahubwo ari agatsiko k’abagororwa kigometse ku mategeko ya Gereza.

Nkuko ubuyobozi bw’iki kigo gishinzwe imfungwa n’abagororwa cyabitangaje kuri Twitter yacyo,aba bagororwa bigometse ku buyobozi bwa Gereza ya Nyarugenge bafatirwa ibihano.

Umuvugizi w’Urwego rw’Igihugu Rushinzwe Imfungwa n’Abagororwa, RCS, SSP Hilary Sengabo yabwiye IGIHE dukesha iyi nkuru ko uku kwigomeka kwabaye mu masaha ya mu gitondo kuri uyu Kabiri.

Yagize ati "Ibyabaye muri gereza ya Nyarugenge ni ibikorwa by’umutekano kuko imyigaragambyo kugira ngo ibe ubundi ni igihe abagororwa bahuje umugambi wo kwigaragambya ku buyobozi, akenshi biterwa n’iyo bafite impamvu rusange bahuriyeho ishobora gutuma bigaragambya.

Icyabaye ni aho abo bagororwa bakumiriye abashakaga kujya gukora mirimo nyongera musaruro mu gitondo, bagiye bitambika mu muhanda ubona ko batashakaga ko bagenzi babo bajya gukora imirimo yo hanze kandi bo babishoboye banabishaka, ni ibintu mu by’ukuri bitari bisanzwe, bari abantu bake kuko bari 28 mu bantu ibihumbi birindwi bari kuri gereza ya Nyarugenge."

SSP Hilary Sengabo yavuze ko abo bagororwa bashyizwe ku ruhande bagatandukanwa n’abandi, hanatangira iperereza kugira ngo hamenyekane impamvu yabibateye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Segahinda

    Ko mutatubwiye ko 2 bahasize ubuzima se? Erega turakurikira. Kuko nuwendeye nyina mu nyanga yaramenyekanye. Gusa umunsi ni umwe buri wese azagezwa imbere y’abaturage aho azaba atuye hose nuzaba warahunze tuzamusangayo.Kuvuga ngo nari natumwe ibyo uzabibazwa nawe abibazwe buri wese ku ruhande rwe. Turambiwe guhonyora umunyarwanda nk’uhonyora ikimonyo cyangwa urushishi.

    2 months ago
  • chat_bubble Hero

    Ibi bintu birakemangwa kuko hari amakuru menshi yatanzwe nabagororwa anyomoza ibyo uyu musurveya ari gutangaza.

    2 months ago
  • chat_bubble gasigwa ernest

    impanvu muyibaze umuyobozi wa gereza witwa kayumba kuko arimubantu batunvikana bibaho,last time nagiye i Rubavu aho yakoreraga anyima service ngo arahuze nzagaruke undi mynsi birambabaza cyane ,agira imikorere mibi nokuvuga nabi cyane kandi akuze kbsa

    2 months ago

Inzindi nkuru

Kinuthia waregwaga gutekera umutwe urubyiruko rwo mu Rwanda kuri KCC...

Umunyakenya witwa Kinuthia Charles wari umaze amezi make atawe muri yombi...
17 September 2019 Yasuwe: 1285 0

Polisi y’u Rwanda yatangaje ibihano bikarishye bizajya bifatirwa abantu...

Umuvugizi wa Polisi CP JB Kabera,yatangarije mu kiganiro Waramutse Rwanda...
16 September 2019 Yasuwe: 3479 1

U Rwanda na Uganda bafashe ingamba zirindwi zikomeye zirimo ko Abanyarwanda...

Abahagarariye Leta y’u Rwanda na Uganda bateraniye i Kigali uyu munsi taliki...
16 September 2019 Yasuwe: 5279 0

Niyomukiza Dynamique wigaga muri Kaminuza y’u Rwanda yitabye Imana haburaga...

Umukobwa witwa Niyomukiza Dynamique wigaga muri Kaminuza y’ u Rwanda...
16 September 2019 Yasuwe: 5401 3

Hahishuwe akayabo k’amamiliyari y’u Rwanda ikigega Agaciro kigezeho

Ubuyobozi bw’ikigega Agaciro Development Fund (AgDF), buratangaza ko mu...
16 September 2019 Yasuwe: 3438 1

U Rwanda rwasabye Uganda kuvugisha ukuri mu biganiro byo gushaka uko...

Uyu munsi nibwo abayobozi b’u Rwanda n’aba Uganda bahuriye mu nama iri...
16 September 2019 Yasuwe: 1292 1