Abarwanyi 25 bafatiwe muri DR Congo bategetswe kuburana nk’abasirikare

Amakuru   Yanditswe na: Dusingizimana Remy 14 October 2019 Yasuwe: 1826

Abarwanyi 25 bafatiwe muri DR Congo bivugwa ko ari abo mu impuzamashyaka P5 irwanya ubutegetsi bw’u Rwanda uyu munsi bangiwe n’urukiko rw’ibanze rwa gisirikare kuburana nk’abasiviri.



Aba bagabo 25 bayobowe na Habib Mudathiru wasezerewe mu ngabo z’u Rwanda ku ipeti rya majoro, uyu munsi bazanywe mu rukiko bambaye imyambaro y’imfungwa z’abasirikare mu Rwanda.

Byari byitezwe ko batangira kwiregura ku byaha bine baregwa mu kuburana ku ifungwa n’ifungurwa ry’agateganyo.

Aba baregwa ibyaha byo kwinjira mu mitwe y’abagizi ba nabi,ubugambanyi bugamije kugirira nabi ubutegetsi,umubano n’ibindi bihugu ugamije gushoza intambara mu gihugu,no kurema umutwe w’abagizi ba nabi.

Bo n’umwunganizi wabo uyu munsi batangiye babwira urukiko ko rudafite ububasha bwo kubaburanisha kuko bo atari abasirikare.

Ubushinjacyaha bwavuze ko bagomba kuburanishwa n’uru rukiko kuko hari irindi tsinda ryabo ryafashwe mbere riri kuburanishwa n’urukiko rwa gisirikare.

Uruhande rw’abaregwa ruvuga ko izo ari imanza ebyiri zitandukanye, rumwe rufite aho rugeze urundi rukiri ku ntangiriro.

Bavuga ko imanza ebyiri zitageze ku rwego rumwe, rumwe rurimo abasiviri urundi abasirikare zitaburanishwa mu rukiko rumwe.

Ubushinjacyaha bwavuze ko abo mu itsinda rya mbere n’abo muri iri bose ari abarwanyi ba P5 bityo kubaburanishiriza mu nkiko zitandukanye bishobora gutuma zivuguruzanya mu byemezo.

Ubushinjacyaha buvuga ko mu matsinda yombi harimo abasiviri n’abasirikare kandi iyo umusiviri akoranye icyaha n’umusirikare aburanishwa n’inkiko za gisirikare.

Nyuma yo kumva impande zombi, urukiko rwiherereye ngo rwanzure ku bubasha bwarwo bwo kuburanisha uru rubanza, rugarutse ruvuga ko rubifitiye ububasha.

Urukiko rwategetse ko rukomeza kubaburanisha kuko baregwa ibyaha bimwe n’abandi bafashwe mbere nabo ruri kuburanisha.

Rwategetse ko uru rubanza ruzakomeza kuwa gatanu w’iki cyumweru.

Aba baregwa bivugwa ko bafatiwe mu mirwano n’ingabo za DR Congo mu mezi macye ashize mu ntara ya Kivu y’Epfo.

Amafoto ya Habib Mudathiru, umwe mu baregwa, yakwirakwiriye ku mbuga nkoranyambaga ari mu barasiwe muri iyo mirwano.

Mu kwezi kwa munani, umuvugizi w’ingabo za DR Congo mu ntara ya Kivu y’Epfo yahakaniye BBC ko nta ngabo z’amahanga ziri gufasha iza Congo mu kurwanya imitwe yitwaje intwaro muri Congo.

Mu kwezi gushize kwa cyenda, umuvugizi w’ingabo za DR Congo mu ntara ya Kivu ya ruguru yabwiye BBC ko nta ngabo z’u Rwanda zabafashije mu kurwana no kwica Gen Sylvestre Mudacumura wa FDLR.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tugiye kongera igiciro cy’umutekano wacu kuri buri wese ushaka...

Perezida Kagame yaburiye abashaka guhungabanya umutekano w’u Rwanda ko...
14 November 2019 Yasuwe: 2934 0

Bayigamba Robert wabaye Minisitiri w’Urubyiruko umuco na siporo yasabiwe...

Ubushinjacyaha bw’u Rwanda bwasabye ko Robert Bayigamba agumishwa mu...
13 November 2019 Yasuwe: 2793 0

Kamonyi: Umuganga yatawe muri yombi na RIB akekwaho gusambanya umugore...

Umugore wo mu karere ka Kamonyi yatangaje ko yabonye hanze y’...
13 November 2019 Yasuwe: 9098 3

Abakozi 2 ba Banki ya Kigali barashinja icyuma cya ATM kunyereza akayabo...

Abakozi babiri ba Banki ya Kigali ishami rya Kacyiru bafunzwe...
13 November 2019 Yasuwe: 6602 1

Leta ya Uganda yikomye u Rwanda ku iraswa ry’abaturage bayo

Leta ya Uganda yikomye u Rwanda ku iraswa ry’abaturage bayo; Job Byarushanga...
13 November 2019 Yasuwe: 4898 0

U Rwanda rwashyikirije Uganda imirambo y’abaturage bayo baheruka kurasirwa i...

Ku gicamunsi cyo kuri uyu wa kabiri, abayobozi ku ruhande rw’u Rwanda...
13 November 2019 Yasuwe: 1672 0