Bamporiki yakomoje ku nzozi za Padiri Nahimana (umupagani) na Twagiramungu bifuje kuyobora u Rwanda

Amakuru   Yanditswe na: Iyamuremye Janvier 29 July 2017 Yasuwe: 4460

Depite Bamporiki Edouard yahamirije Paul Kagame ko Abaturage ba Rusizi batari inyuma y’umupadiri wabaye umupagani (Padiri Nahimana) n’umunyapolitiki ushaje (Twagiramungu) baba hanze y’u Rwanda barwanya leta y’u Rwanda.

Ibi yabitangaje kuri uyu wa 28 Nyakanga 2017 mu gikorwa cyo kwiyamamaza no kwamamaza umukandida wa RPF-Inkotanyi, Kagame Paul. Bamporiki yavuze ko nubwo Nahimana na Twagiramungu bavuka I Rusizi mu cyahoze ari Cyangungu nta n’umwe ubari inyuma nubwo bakomeje kugaragaza ko bashaka kuyobora u Rwanda.

Bamporiki ‘Kideyo’ ukomoka ku mubyeyi wagize uruhare muri Jenoside yakorewe Abatutsi. Yashimye Kagame ko yabashije guhagarika Jenoside yakorerwaga Abatutsi, ndetse akanacyura impunzi z’Abanyarwanda zari mu mashyamba ya Congo.

Ati “Mu mateka y’abaperezida nzi ni wowe muperezida wenyine wagaragaje ko kuvukana n’umunyabyaha atari ubufatanyacyaha.”

Uyu mugabo kandi yanagarutse ku mateka y’iheezwa ryakorewe abatuye aka gace ka Rusizi.

Ati “Twari tuziritse, nta mishinga yahageraga, imishinga yose yajyaga gukorwa bakavuga ngo pourqoui? (kubera iki?) mu gihe mumaze mutuyobora mwongeyeho ijambo Pas, biba Pourqoui pas? (kubera iki itahakwiye?)”

Ngo Habyarimana wayoboraga u Rwanda yasuhuzaga abaturage ngo “Banyarwanda, banyarwandakazi namwe Banyacyangugu.” Bamporiki avuga ko ku ngoma ya Kagame yaje yerekana itandukaniro.

Ati “Perezida w’icyo gihe (mu 1991) yazanye imashini, batubeshya ko bagiye gukora umuhanda ahubwo bajya kugura intwaro zo kumara Abanyarwanda.”

Padiri Nahimana Thomas uba mu gihugu cy’Ubufaransa, na Twagiramungu Faustin bombi bavuka I Cyangugu (Rusizi y’ubu), bagiye batangaza ko bifuza kuyobora u Rwanda.

Hon. Bamporiki wagarutse ku nzozi z’aba bagabo, yavuze ko Abanyarwanda bafite uwo bahaye inkoni kandi badateze kuyimwambura mu gihe azaba akiriho.

Agaruka kuri aba bagabo atavuze mu mazina. Yagize ati “Umupadiri wabaye umupagani, undi ni umunyepolitiki ushaje, bombi bavuka aha, nta muntu n’umwe ubari inyuma.”

Iyi ntumwa ya rubanda, yumvikanishije ko uwo bahisemo bamuzi ndetse ko ikirezi bambaye baziko kera.Ngo umuvuduko w’iterambere bazi uwo baricyesha kugeza ku miyoborere myiza itavangura.

Kagame yijejej abanya-Rusizi, ko nibamutora atazabatererana kimwe nuko nta gace k’u Rwanda azatererana.

Yagize ati: “Nimumara gutora Umukandida wa FPR, ntabwo tuzabatererana. Nta gace k’u Rwanda dushobora gutererana.Ntawe dusiga inyuma.” Yakomeje agira ati: “Waba utuye Bugarama cyangwa ahandi hose muri Rusizi, uri umunyarwanda, kandi twese turangana mu Rwanda.”

Ati: “N’abavuga ruriya rurimi ‘Haki ya Mungu, nabo ni Abanyarwanda,… maze rero iyi myaka 23 tumaranye, yabaye imyaka yo kongera kubaka igihugu gishya, ubu dufite u Rwanda rushya, muri bashya rero.

RPF Chairman Paul Kagame campaigns in Gihundwe | Rusizi, 28 July 2017

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yitabiriye Car Free Day bwa kabiri

Kuri iki Cyumweru tariki 17 Kamena 2018, Perezida w’ u Rwanda Paul Kagame...
17 June 2018 Yasuwe: 2630 0

Gitifu w’ umurenge ushinjwa gusuzugura ingabo yasabye imbabazi

Anaclet Niyonsaba Umunyamabanga nshingwabikorwa w’ umurenge kibilizi wo mu...
16 June 2018 Yasuwe: 4148 1

Madamu Jeannette Kagame yasabiye abana ijambo mu igenamigambi

Ubwo hizihizwaga umunsi w’umwana w’umunyafurika, umufasha wa Perezida wa...
16 June 2018 Yasuwe: 671 0

Komisiyo yo kuvugurura amategeko yasuye urwibutso rwa ’Komine Rouge’ inasura...

Umubyeyi warokotse Jenocide yakorewe abatutsi mu karere ka Rubavu mu 1994...
15 June 2018 Yasuwe: 1006 0

Umuforomo yanze kwakira umurwayi ngo udafite mituelle ahita...

Umuforomo witwa Nyirarukundo Josiane wok u bitaro bya Kaminuza I Butare...
15 June 2018 Yasuwe: 6359 6

Abiga mu bigo byigenga nabo ntibemerewe telefone n’ imisatsi...

Minisiteri y’ uburezi mu Rwanda yatangaje ko abanyeshuri biga mu mashuri y’...
14 June 2018 Yasuwe: 2490 0