Dr Frank Habineza, Umukandida uzahagararira ishyaka riharanira demukarasi no kurengera ibidukikije mu Rwanda DGPR kuri uyu wa Gatanu tariki 14 Nyakanga 2017 yiyamamarije mu murenge wa Muganza w’ akarere ka Rusizi mu ntara y’ uburengerazuba, asezeranya Abanyarwanda ko nibamutorera kuyobayobora azabageza kuri byinshi birimo n’ icyogajuru gicunga umutekano.
Iki gikorwa kitabiriwe n’ abantu bari hagati ya 300 na 1000. Dr Habineza yari aherekejwe n’ umugore we. Uyu mukandida yari acungiwe umutekano (...)

Sponsored Ad

Dr Frank Habineza, Umukandida uzahagararira ishyaka riharanira demukarasi no kurengera ibidukikije mu Rwanda DGPR kuri uyu wa Gatanu tariki 14 Nyakanga 2017 yiyamamarije mu murenge wa Muganza w’ akarere ka Rusizi mu ntara y’ uburengerazuba, asezeranya Abanyarwanda ko nibamutorera kuyobayobora azabageza kuri byinshi birimo n’ icyogajuru gicunga umutekano.

Iki gikorwa kitabiriwe n’ abantu bari hagati ya 300 na 1000. Dr Habineza yari aherekejwe n’ umugore we. Uyu mukandida yari acungiwe umutekano n’ ingabo ndetse na polisi.

Uyu mukandida yasezeranyijwe abitabiriye iki gikorwa ko azavugurura uburezi, ko azohereza abashinzwe umutekano barimo ingabo na polisi akabongerera umushahara kandi akabashakira amacumbiyo kubamo ntibongere kuba muri za shitingi.

Akivuga ku mutekano yavuze ko azashyiraho uburyo bwo gucunga umutekano hifashishijwe indege zitagira abapilote (drones) ndetse n’ icyogajuru mu rwego rwo korohereza ingabo na polisi kuko ngo nabo ni abantu nta mpamvu yo kubasaba ibirenze ubushobozi bwa muntu.

Mu bijyanye n’ ubuhinzi Dr Habineza yavuze ko azavugurura imikorere y’ amakoperative.

Mu karere ka Rusizi hari igishanga gihingwamo umuceri abahinzi b’ umuceri bakawujyana ku makoperative, Dr Habineza yavuze ko azahindura ubu buryo bwo kuba umuhinzi yeza umuceri akawujyana muri koperative kuko bituma umuturage atarya umuceri we uko abyifuza.

Uretse abantu bari ku kibuga aho Dr Habineza yiyamamarije hari abandi bakurikiranye iki gikorwa bari mu ngo zabo.

Hari abayobozi ba DGPR bavuze ko hari abashatse kuza aho iki gikorwa cyabereye bakabibuzwa.

Nubwo bimeze gutyo ariko Dr Habineza afite icyizere ko iki gikorwa cyo kwiyamamariza kuyobora u Rwanda kizagenda neza, avuga ko aho bitagendaga neza afite icyizere ko bizagenda neza mu minsi iri imbere.

Umukandida Dr Frank Habineza yiyamamarije mu karere ka Rusizi, H. E Paul Kagame yiyamamariza mu karere ka Ruhango na Nyanza naho Umukandida wigenga Mpayimana Philippe yiyamamariza mu karere ka Busegera.

Dr Frank Habineza yari ashyigikiwe n’umugore we

Abarwanashyaka be baje muri Coaster

Iyo niyo modoka Frank Habineza yajemo