Gakenke: Imiryango 9 yashyikirijwe inka yemerewe na Mme J.Kagame

Amakuru   Yanditswe na: Nsanzimana Ernest 9 August 2018 Yasuwe: 194

Mu murenge wa Nemba, mu karere ka Gakenke, imiryango icyenda (9) ya shyikirijwe inka bemerewe na Madamu Jeannette Kagame. Abagize iyi miryango bishimiye izo nka bavuga ko imibereho igiye guhinduka kuri bo ndetse n’abana babo ngo ntibazongera kugaragaza ibibazo biterwa n’imirire mibi.

Ku wa 16 Kamena uyu mwaka mu muhango wo kwizihiza umunsi mpuzamahanga w’umwana w’umunyafurika wari wakomatanyijwe n’uwo kurwanya imirimo mibi ikoreshwa abana bato, nibwo Mme Jeannette Kagame yemeye gutanga inka mu rwego rwo gukomeza imbaraga mu kurwanya ubukene, imirire mibi no kugwingira mu bana bato.

Yemeye gutanga inka 12 zo gusfasha abana bari mu bigo mbonezamikurire ndetse no gufasha imwe mu miryango yugarijwe n’ubukene butuma bagira abana bahuye n’ibibazo biterwa n’imirire mibi.

Kuri uyu wa 08 Kanama izi nka zashyikirijwe abo zigenewe bihuzwa no gusoza icyumweru cyahariwe ibikorwa by’abagore [Women Week’] mu ntara y’Amajyaruguru cyari cyaratangiye ku wa 16 Nyakanga.

Ntawuzemerino Cecile na Nyiranteziryayo Christine; ni ababyeyi bo mu mudugudu wa Kanzoka, akagari ka Gisozi, mu murenge wa Nemba bahawe inka, mu byishimo byinshi bavuze ko ubuzima bwabo bugiye guhinduka.

Ntawuzemerino yagize ati: “Ndashima urya mubyeyi utumye njye n’abana banjye n’umwuzukuru tugiye kujya tunywa amata rwose, ndetse ubu ngiye no kujya mbona agafumbire mpinge utuboga abana babeho neza, uyu mubyeyi agiye gutuma natwe tugira akabiri gatoshye!”

Nyiranteziryayo Christine we yagize ati: “Nta nka nari mfite ndetse no kubona ifumbire byari binkomereye, ariko ubu ngiye kuribona bitangoye ku buryo nzajya neza nk’abandi nkanabona ibyo ndya n’ibyo njyana ku isoko… ndetse n’abana banjye ndahamya ko bagiye kubaho neza kuko n’inka bampaye ibura amezi abiri gusa ikabyara.”

Uwitonze Modeste, umuhuzabikorwa w’inama y’igihugu y’abagore (CNF) mu ntara y’Amajyaruguru, agaruka ku bikorwa byakozwe mu cyumweru cyahariwe ibikorwa by’umugore, yasabye iyi miryango yorojwe guhera ku nka bahawe biteza imbere, baharanira imibereho myiza y’imiryango yabo banarinda abana babo kugwingira, kuko na byo biri mu byo bakoze mu bukangurambaga bwakozwe muri iki cyumweru cyasojwe.

Ati: “Kuba nyakubahwa Madamu wa Perezida wa Repubulika ahaye inka abana bacu ni ukugira ngo dukomeze umujyo witerambere igihugu cyatangiye, icyo nsaba imiryango imaze guhabwa inka ni uko zibafasha guca ukubiri n’imirire mibi muri mwe ariko by’umwihariko mu bana.”

Guverineri w’intara y’Amajyaruguru; Gatabazi Jean Marie Vianney, yasabye abaturage b’akarere ka Gakenke kurinda abana babo imirire mibi, ndetse anabibutsa akamaro k’amatungo bafite mu kuzamura imibereho yabo.

Ati: “Kuba Gakenke iri mu turere twa mbere mu kugira abana benshi bagwingiye si uko ibyo kurya bihabuze ahubwo ni uko mutabyitaho, ni nayo mpamvu nkomeje nsaba abo mu nzego z’abagore gukomeza kwigisha no gukangurira bagenzi babo kubyaza umusaruro amahirwe bahawe na leta y’ubumwe, bajye babafasha rwose kugwingira bicike kuko bituma abana bacu batagira ubwenge buhagije kandi ari twe twabiteye mu gihe tutabitayeho bakiribato.”

Umuseke wanditse ko Mu nka 12, zatanzwe icyenda (9) muri zo zahawe imiryango itifashije yo mu murenge wa Nemba izindi eshatu (3) zikaba zahawe Ibigo mbonezamikurire y’abana bato (ECDs) bya Nemba, Minazi na Mugunga.


Nyiranteziryayo Christine mu byishimo bikomeye byo gucyura inka agabiwe na Mme Jeannette Kagame

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mgr Antoine Kambanda yagizwe Arikiyepisikopi wa Diyosezi ya...

Umushumba wa Kiliziya Gatolika ku Isi Papa Francis yagize Antoine Kambanda...
19 November 2018 Yasuwe: 1007 1

Igikomangomakazi cya Jordan, Sarah Zeid yashimiye u Rwanda nyuma yo gusura...

Igikomangomakazi cya Jordan, Sarah Zeid yasuye inkambi ya Gihembe iherereye...
14 November 2018 Yasuwe: 2012 0

Karongi: Abarimu babiri bafashwe bakopeza abanyeshuri

Urwego rw’ Igihugu rushinzwe Iperereza rwataye muri yombi abarimu babiri b’...
13 November 2018 Yasuwe: 3253 1

’Kudasibiza abana ni ugushyigikira ubuswa’ Ababyeyi b’ i Musanze

Bamwe mu babyeyi bo mu karere ka Musanze bavuga ko kuba abana babo...
10 November 2018 Yasuwe: 462 0

Bugesera: Abageni bakerewe iminota 20 basanga padiri yigendeye

Umusore n’ umukobwa bo mu murenge wa Kamabuye mu karere Bugesera bafite...
10 November 2018 Yasuwe: 5692 3

Minisitiri Shyaka yasanze 40% by’ abatuye Rusizi ari abakene...

Minisitiri w’ubutegetsi bw’igihugu Prof Shyaka Anastase yatangaje ko yasanze...
9 November 2018 Yasuwe: 974 0