Gatsibo: Bane bafunzwe bazira kwigabiza igishanga cya Leta bakagihinga

Amakuru   Yanditswe na: Iyamuremye Janvier 10 August 2017 Yasuwe: 217

Abagabo bane bafungiwe kuri Sitasiyo ya Polisi ya Kabarore, mu karere ka Gatsibo bazira kwigabiza igishanga cya Leta kiri mu kagari ka Simbwa, ho mu murenge wa Kabarore bakagihinga.

Ababifungiwe ni Siborurema Augustin, Muganga Anastase , Rwasibo David na Mutabaruka Sylvere.

Umuvugizi wa Polisi y’u Rwanda mu Ntara y’i Burasirazuba, Inspector of Police (IP) Jean Bosco Dusabe yavuze ko aba bagabo bakuriye Amashyirahamwe y’Abahinzi muri aka gace.

Yavuze ko bafatiwe mu cyuho ku itariki 8 z’uku kwezi barimo guhinga icyo gishanga bakoresheje ba nyakabyizi.

IP Dusabe yasobanuye uko babigenzaga agira ati,"Bahaga abakozi amafaranga bakabereka aho bahinga muri icyo gishanga. Inzego zibishinzwe zabihanangirije inshuro zigera kuri eshatu zibabuza guhinga ubwo butaka bwa Leta; ariko babirengaho bakomeza kubikora ; hanyuma zibonye ko bakomeje kuvunira ibiti mu matwi zibimenyesha Polisi , ibafatira mu cyuho barimo bagihinga."

Yagize ati,"Nta muntu wemerewe guhinga igishanga cyangwa kugikoreramo indi mirimo atabiherewe uburenganzira n’inzego zibishinzwe kubera ko ari ubutaka bwa Leta nk’uko biteganywa n’ingingo ya 12 y’ Umutwe wa II w’Itegeko Ngenga N° 08/2005 ryo ku wa 14/07/2005 rigena imikoreshereze n’imicungire y’ubutaka mu Rwanda. Ubwigabiza akabukoreraho ibikorwa ibyo ari byo byose aba akoze icyaha, kandi arabihanirwa."

Ingingo ya 29 y’iri Tegeko Ngenga igira iti: Ubutaka bwo mu bishanga ni ubwa Leta. Ntibushobora kwegurirwa burundu abantu ku giti cyabo, kandi nta wushobora kwitwaza ko abumaranye igihe kirekire ngo abwegukane. Kugira ngo ubutaka bwo mu bishanga bushobore gucungwa no gukoreshwa mu buryo buboneye, Iteka rya Minisitiri ufite ibidukikije mu nshingano ze rishyiraho urutonde rw’ibishanga n’imbibi zabyo. Urwo rutonde rwerekana ku buryo busobanutse imiterere yabyo n’icyo bigenewe gukoreshwa n’uko bishobora gutunganywa kugira ngo bigirire abaturarwanda akamaro ku buryo burambye. Minisitiri ufite ibidukikije mu nshingano ze ashyiraho Iteka ryemeza uburyo ubutaka bwo mu bishanga bugomba gucungwa, gutunganywa no gukoreshwa.

IP Dusabe yaboneyeho gusaba abatuye Intara y’i Burasirazuba kwirinda ibyaha birimo ibyo aba bane bafungiwe byo kwangiza ibidukikije bahinga igishanga cya Leta batabiherewe uburenganzira.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Leta y’ u Rwanda yagurijwe miliyoni 125$ zo kugeza amashyanyarazi ku...

Kuri uyu wa mbere, u Rwanda rwasinyanye amasezerano na banki y’Isi...
4 December 2017 Yasuwe: 427 2

Umubyeyi yabuze umwana we w’imyaka 3 nyuma yo kumusiga aryamye mu Cyumba cye...

Umubyeyi witwa Kristy Woods ukomoka mu gihugu cya Leta zunze Ubumwe...
30 November 2017 Yasuwe: 947 0

U Rwanda mu bihugu byafashe mu mugongo Misiri nyuma y’ igitero cyishe...

Guverinoma y’u Rwanda yihanganishije Igihugu cya Misiri n’abaturage bacyo...
25 November 2017 Yasuwe: 482 0

Gasabo: Uruhinja rwatoraguwe mu mugezi rwapfuye birakekwa ko rwatawe n’...

Mu gitondo cyo kuri uyu wa Gatanu tariki 17 Ukwakira 2017 abaturage bo mu...
17 November 2017 Yasuwe: 548 0

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 1030 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1625 0