Habineza arasaba Leta y’u Rwanda kujya iha Abakandida amafaranga yo kwiyamamaza

Amakuru   Yanditswe na: Iyamuremye Janvier 13 August 2017 Yasuwe: 1276

Dr Frank Habineza watsinzwe amatora y’umukuru w’Igihugu yabaye ku wa 03 na 04 Kanama 2017, yatangaje ko leta y’u Rwanda ikwiye kujya iha amafaranga abakandida bahatanira umwanya w’umukuru w’Igihugu mbere y’uko biyamamaza.

Komisiyo y’amatora mu Rwanda, NEC yamaze gutangaza bidasubirwaho ko Paul Kagame ariwe watsinze amatora y’umukuru w’Igihugu ahigitse Mpayimana Philipe na Frank Habineza bahatanaga.

Ibi Habineza abivuze nyuma yo kubura amajwi agenwa n’itegeko (5%) kugira ngo asubizwe amafaranga yakoresheje mu bikorwa byo kwiyamamaza. Frank asaba Leta kujya iha Abakandida amafaranga yo gukoresha mu bikorwa byo kwiyamamaza mbere, aho kurindira ngo ibanze irebe ko yagize 5%.

Inkuru ya Umuseke ivuga ko atari ubwa mbere, Habineza agaragaje iki kibazo kuko no muri Mata 2016 yabivuze , aho yari yatangije inyandiko (petition) ibisaba ariko bikarangira ngo Urwego rw’Igihugu cy’Imiyoborere (RGB) rumuhakaniye ko bitazakorwa.

Ati “Ariya mafaranga atangwa na Komisiyo y’amatora yo kwiyamamaza bakwiye kujya bayatanga mbere,…ingengo y’imari iba ihari ariko kuko amafaranga batayatanga mbere, tuba dushakisha uburyo bwose tuvuga ngo wenda nitubona ariya (majwi) 5% tuzayasubizwa, iyo umuntu atayabonye agwa mu gihombo.

Uyu mugabo wamaze gutakaza ubwenegihugu bwa Suède avuga ko atavuze ibi kugira ngo afashwe kwishyura inguzanyo ya Banki yafashe kugirango yiyamaze, ahuwo ko ari uko hakenewe impinduka mu bakandida.

Yagize ati “Hakwiye kubaho impinduka kuko n’umwaka utaha dufite amatora y’Abadepite, nihatagira igihinduka nabwo abantu bizabagora…Natwe tuba tuvuga ngo turashaka kugira uruhare muri Demokarasi y’igihugu ntabwo warugira udafite n’aho uba?”

Avuga ko ibyo asaba bishoboka kuko hari ibihugu bibikora nka Burkina Faso, ndetse ngo na Uganda hari ubufasha baha abiyamamaza mbere yo kwiyamamaza.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble ZIRUGURU Andrew

    Politics ni mbi.Nkuko bivugwa,ubu Dr Habineza ari mu bibazo bikomeye kubera ideni rya Bank yasabye kugirango yiyamamaze.Guhangana mu matora n’umuntu usanzwe ari president w’igihugu,biraruhije ko wamutsinda kubera impamvu zikurikira:President aba afite amafranga menshi n’ibikoresho byinshi,abayobozi hafi ya bose,niwe ubashyiraho,harimo n’aba NEC (National Electoral Commissions).Muli Afrika,abaturage benshi kubera ko baba batarize,bafata president nk’imana.
    Army na Police,baba bamuri inyuma.Mu bihugu byinshi bya Africa,Afrika,ntabwo army na police bali neutral.Ahenshi bivanga mu matora.

    3 months ago

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 797 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1516 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2370 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3117 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4730 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2989 0