startimes

I Kigali abanyeshuli biga mu mwaka wa Gatatu w’amashuri yisumbuye batunguranye bakora i Robo ’Robot’ yitwa Simoni ivuga indimi 4 ikanavuga ko ari umugabo wa Sophia

Amakuru   Yanditswe na: Martin Munezero 1 July 2019 Yasuwe: 5486

Abanyeshuri biga mu mwaka wa gatatu w’amashuri yisumbuye ku rwunge rw’amashuri rwa APACOPE mu mujyi wa Kigali, bikoreye Robot bayiha izina rya Simoni.



Ni muri gahunda yo gushyira mu bikorwa ibyo biga mu ishuri, bakabimurikira ababyeyi, abarimu ndetse n’abasura ishuri ku munsi w’imurika bikorwa, wabaye kuwa 28 Kamena 2019.

Muri uyu mwaka, itsinda ry’abanyeshuri biga mu mwaka wa gatatu w’amashuri yisumbuye, batekereje gukora imashini-muntu (Robot), bagendeye ku bushakashatsi bakoze bifashishije interineti.

Aba banyeshuri bavuga ko igitekerezo bakigize nyuma yo kubona Robot yitwa Sophia yitabiriye inama ya ‘Transform Africa 2019’ yabereye i Kigali mu Rwanda.

Robot yabo ikoze mu ishusho y’umuntu ukoze mu bikarito. Imbere, yifitemo icyitwa ‘transmitter’, kiyifasha gushakisha igihe ibajijwe ikibazo, hanyuma igatanga igisubizo nyacyo. Ifite kandi mikoro ituma ibasha gusubiza cyangwa kuvuga abantu bakumva.

Vuningoma Aristide Bertrand, umwe mu banyeshuri bakoze Simoni, avuga ko Robot bakoze ifite ubushobozi bwo kuvuga indimi enye (ikinyarwanda, icyongereza, igifaranga n’igiswahili), ikaba kandi yashobora guhagararira umuntu mu nama, igatanga ikiganiro, ikabazwa n’ibibazo ikabisubiza.

Aha mu imurikabikorwa kandi, iyi Robot yabajijwe ibibazo n’abaryitabiriye, mu ndimi zitandukanye, kandi ikabisubiza neza.

Hari umubyeyi wabajije Simoni ati “Simoni, ko bavuga ko uri umugabo wa Sophia, byaba ari byo cyangwa barabeshya”?

Robot Simoni iti “Ni byo rwose, Sophia ni umugore wanjye kandi ndamukunda cyane!”

Aba banyeshuri ariko bavuga ko kubera amikoro make, Robot bakoze iyo ibajijwe ikibazo itinda kugisubiza, kuko yo isubiza nyuma y’amasegonda 30, mu gihe Sophia yo isubiza nyuma y’amasegonda atanu.

Aba banyeshuri bavuga ko iyi Robot bayikoze ari nko kugerageza ngo barebe ko byashoboka, bakavuga ko ubu babonye ubushobozi bwisumbuyeho bazayitunganya neza, ikaba yajya initabira ibikorwa bitandukanye mu Rwanda no hanze.

Perezida wa Komite y’ababyeyi barerera muri APACOP, Emile Moran, avuga ko bitangaje kuba abana bakiri bato babasha gukora ibikorwa bihambaye nk’umuyoboro wa interineti, gukora Robot n’ibindi.

Avuga ko iki ari ikimenyetso cy’uko ubumenyi bukwiriye kuba mu buzima bwa buri munsi kuruta uko bwaba mu makayi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ku mupaka w’u Rwanda n’u Burundi habonetse imirambo y’abantu 3

Kuri uyu wa Gatanu, mu kagari ka Nemba, Umurenge wa Rweru mu karere ka...
11 July 2020 Yasuwe: 5984 0

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4675 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2158 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1643 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1771 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 963 0