Icyo dusaba abanyarwanda nibareke gushyira ubuzima bwabo mu kaga bajya ahari icyorezo –Minisitiri Gashumba

Amakuru   Yanditswe na: Dusingizimana Remy 2 August 2019 Yasuwe: 727

Minisitiri w’Ubuzima, Dr Diane Gashumba, yasabye abanyarwanda baturiye hafi ya Repubulika Iharanira Demokarasi ya Congo n’abajyayo mu bucuruzi n’ibindi guhagarika kujyayo kuko hari icyorezo cya Ebola.

Mu kiganiro n’abanyamakuru yagiranye n’abanyamakuru kuri uyu wa Kane,Minisitiri Diane Gashumba yasabye abanyarwanda kureka kujya mu mujyi wa Goma hari icyorezo kuko bashobora gushyira ubuzima bwa bagenzi babo mu kaga.

Yagize ati “Icyo twigisha abanyarwanda kandi dushimangira ni uko umuntu adakwiriye kujya ahari icyorezo.Ba bandi bajyaga muri RDC bagiye gucuruza urukweto rumwe nibabihagarike barucururize mu Rwanda turebe aho icyorezo kigana.Wa wundi wambukaga agiye gusura umuvandimwe nabe abihagaritse kuko utamusuye ntacyo yaba.Uzamusura umuryango w’abibumbye wita ku buzima wavuze ko icyorezo cyahagaze.

Nta Ebola iri mu gihugu cyacu,umupaka urafunguye ariko se ni iki ujya gukora I Goma utakora mu gihugu cyacu mu kwezi kumwe cyangwa 2 abantu bamaze kubona aho ibintu bigana.Icyo twabwira abanyarwanda nibahagarike kujya ahari icyorezo.Be gushyira ubuzima bwabo mu kaga n’ubw’abandi.Ntabwo icyorezo kiri gushira hariya hakurya.”

Ku byerekeye ifungwa ry’imipaka ihuza u Rwanda na RDC mu Karere ka Rubavu,Minisitiri Gashumba yabihakanye, avuga ko icyabaye ari ugusobanurira abaturage ibyago byo kujya ahantu habonetse Ebola.

Yagize ati “Nta mupaka ufunze, n’uyu mwanya ugiye urasanga abaturage bambuka. Icyo tugishimangire nta mupaka ufunze.”

Minisitiri Gashumba yatangaje ko Ebola atari indwara yandurira mu muyaga cyangwa mu mwuka ku buryo abantu bananirwa kuyirwanya bityo abanyarwanda bakwiriye kureka kwishora muri RDC ndetse yasabye ko abantu batangira amakuru ku gihe,bakirinda kurya inyamaswa zipfishije ndetse bagahita bajya kwa muganga igihe cyose babonye ibimenyetso bya Ebola.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Huye:Ivatiri yarenze umuhanda igeze ku mukobwa mwiza abantu 4 bane...

Ivatiri yerekeza I Huye yakoreye impanuka mu murenge wa Mbazi ahazwi nko...
24 August 2019 Yasuwe: 5598 0

Nyamasheke: Ikamyo yo mu Burundi yakoze impanuka ica ukuguru umuntu wari...

Kuri uyu wa Gatanu, taliki 23 Kanama, 2019 saa kumi z’umugoroba, ikamyo...
24 August 2019 Yasuwe: 1971 0

Kamonyi : Ikamyo itwara umucanga yagonzwe na Hiace abantu 18...

Ku mugoroba wo kuri uyu wa Gatanu taliki ya 23 Kanama 2019,imodoka yo mu...
24 August 2019 Yasuwe: 2793 0

GISENYI:Abaturage babangamiye icyemezo cy’umuhesha w’inkiko cyo gusenyera...

Abaturage bo mu Kagari ka Bugoyi mu Murenge wa Gisenyi babangamiye icyemezo...
23 August 2019 Yasuwe: 2918 0

RUSIZI:Kamuzizi yafashe icyemezo cyo gutwika diplome ye abitewe n’itorero...

Umugabo witwa Kamuzinzi Daniel wo murenge wa Bugarama mu karere ka Rusizi,...
23 August 2019 Yasuwe: 4079 0

Urukiko rwanze kurekura ba banya Kenya bakurikiranyweho kubeshya urubyiruko...

Urukiko rw’ibanze rwa Kagamara ruherereye mu karere ka Kicukiro rwategetse...
23 August 2019 Yasuwe: 585 0