Ikinyamakuru Le Monde cyasabye imbabazi nyuma y’ifoto ishushanyije cyakoresheje ipfobya Jenoside yakorewe Abatutsi

Amakuru   Yanditswe na: Dusingizimana Remy 13 April 2019 Yasuwe: 3277

Ikinyamakuru gikomeye mu gihugu cy’Ubufaransa Le Monde cyasohoye inkuru yo gusaba imbabazi abanyarwanda nyuma y’ifoto ishushanyije (cartoon) umwe mu banyamakuru bacyo yakoresheje apfobya Jenoside yakorewe Abatutsi aho yagaragazaga ko ibyabaye mu Rwanda ari ubwicanyi bwabaye hagati y’impande ebyiri zari zihanganye kandi abeshya.

Nyuma yo kotswa igitutu n’abakoresha imbuga nkoranyambaga hakoreshejwe hashtag ya #OyaleMonde,iki kinyamakuru cyanditse inkuru ndende mu masaha y’ijoro ryo kuri uyu wa Gatanu kivuga ko ibyakozwe n’umunyamakuru wabo atari uko babona Jenoside yakorewe Abatutsi ahubwo ari ikosa ry’umwanditsi wabo Sergei.

Iyi nkuru yiyandikiwe n’umuyobozi wa Le Monde, Jérôme Fenoglio,wavuze ko iyi foto yakoreshejwe itari ikwiriye ndetse Sergei yibeshye mu kuyikoresha mu nkuru yasohotse kuwa 12 Mata 2019.

Yagize ati “Igishushanyo cya Sergei ku Rwanda cyasohotse muri Le Monde yo kuwa 12 Mata 2019,cyababaje abasomyi benshi bagaragaje kutishima by’umwihariko ku mbuga nkoranyambaga. Mu gihe hibukwa ku nshuro ya 25 Jenoside yakorewe Abatutsi, kiriya gishushanyo cyagaragaje ubukana bw’ibyago umuryango Nyarwanda wagize.

Nubwo bitari mu bushake bw’umwanditsi, ntibyari bikwiye gukorwa muri buriya buryo bufifitse. Le Monde irasaba imbabazi abasomyi bayo bakomerekejwe n’iyo foto, by’umwihariko Abanyarwanda.”

Le Monde yavuze ko kiriya gishushanyo cya Sergei kitagaragaza uko bafata Jenoside yakorewe Abatutsi,aho yashyize hanze inkuru zicukumbuye baherutse gukora kuri Jenoside yakorewe Abatutsi ndetse n’ibiganiro bagiranye n’inzobere zitandukanye kuri iyi Jenoside yatwaye ubuzima bw’Abatutsi barenga miliyoni.






Benshi bamaganye ikinyamakuru Le Monde cyapfobeje Jenoside yakorewe Abatutsi mu mwaka wa 1994

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Ibihumbi by’abitabiriye inama babwirwa ko barayisaruramo amadolari...

Abantu babarirwa mu bihumbi bazindukiye kuri Kigali Convention Center...
25 June 2019 Yasuwe: 3965 1

Ibyemezo by’Inama y’Abaminisitiri yo kuwa Mbere tariki 24 Kamena...

Kuri uyu wa Mbere, tariki ya 24 Kamena 2019, Inama y’Abaminisitiri idasanzwe...
24 June 2019 Yasuwe: 3515 0

Nyarugenge: Imodoka ya Coaster yabuze Feri igonga imodoka nyinshi zari...

Imodoka yo mu bwoko bwa Coaster ya kompanyi itwara abagenzi ya RFTC,yabuze...
24 June 2019 Yasuwe: 5230 1

U Rwanda rwungutse inkura 5 z’umukara rwakuye I Burayi

Ku nshuro ya mbere mu mateka habaye iyimurwa ry’inkura z’umukara eshanu...
24 June 2019 Yasuwe: 1988 0

Perezida Kagame yasabye abanyaburayi kugabanya kumva ko bari hejuru mu...

Nyakubahwa perezida Paul Kagame yasabye ibihugu byo ku mugabane w’Uburayi...
24 June 2019 Yasuwe: 1921 1

Dore amwe mu mazina ajimije abantu basigaye bakoresha iyo bagiye kugura...

Ubusanzwe umuntu agura agakingirizo agamije kwikingira indwara zandurira mu...
22 June 2019 Yasuwe: 5988 1