Kayonza: Afunzwe azira gufatanwa 160 000 Frw y’amiganano

Amakuru   Yanditswe na: 8 January 2017 Yasuwe: 409

Umugabo w’imyaka 31 y’amavuko ari mu maboko ya Polisi mu karere ka Kayonza, aho akurikiranyweho gutunga amafaranga y’amahimbano agera ku bihumbi 160 by’amanyarwanda.

Aya mafaranga yafatanwe yari agizwe n’ inote 32 z’amafaranga 5000 z’impimbano.

Uyu mugabo yafashwe mu ijoro ryo ku itariki ya 6 Mutarama, mu kagari ka Kayonza, mu murenge wa Mukarange ubu akaba afungiye kuri sitasiyo ya polisi ya Mukarange mu gihe hagikorwa iperereza kugira ngo hamenyekane inkomoko y’ayo mafaranga.

Umuvugizi wa Polisi mu Ntara y’Iburasirazuba,Inspector of Police (IP) Emmanuel Kayigi, yavuze ko Mukiga, usanzwe ari komvayeri w’imodoka zitwara abagenzi, yafashwe ubwo yari agerageje kwishyura imwe mu noti yari afite aho yari amaze kunywa inzoga, nyuma yo gukemanga iyo noti, bamusaka bakamusangana izindi nka yo 31, abapolisi bari aho hafi bahita bamuta muri yombi.

Kuri iki gikorwa, IP Kayigi yakomeje avuga ko abibwira ko bakira vuba banyuze muri ziriya nzira baba bibeshya, kuko Polisi n’izindi nzego bari maso ku buryo batazahwema guta muri yombi abantu bagaragara muri biriya bikorwa bigayitse.

Yibukije ko kwigana no gukoresha amafaranga y’amahimbano ari icyaha gihanwa n’amategeko.

Avuga ku ngaruka z’amafaranga y’amahimbano, yagize ati ”Ikwirakwizwa n’ikoreshwa ryayo bigira ingaruka mbi ku bukungu bw’igihugu, dore ko bishobora gutera ihungabana no guta agaciro kw’ifaranga tutibagiwe igihombo ku muntu ku giti cye iyo asanze amafaranga ye ari amiganano.”

Yakomeje asaba abaturage kujya batanga amakuru y’abantu hirya no hino bashobora kugaragara mu bikorwa byo kwigana amafaranga ndetse n’ibindi byaha muri rusange kugira ngo habeho kurengera ubukungu bw’igihugu no gucunga umutekano w’abaturarwanda.

Icyaha nk’iki iyo gihamye uwagikoze ahanwa n’ingingo ya 604 yo mu gitabo cy’amategeko ahana ibyaha mu Rwanda ivuga ko umuntu wese uhimba, ukoresha cyangwa ukwirakwiza mu buryo ubwo ari bwo bwose ibintu byose byakwitiranywa n’amafaranga cyangwa izindi mpapuro zivunjwamo amafaranga, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’amafaranga y’amahimbano.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 798 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1516 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2371 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3117 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4732 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2990 0