startimes

Kinuthia waregwaga gutekera umutwe urubyiruko rwo mu Rwanda kuri KCC yakatiwe

Amakuru   Yanditswe na: Dusingizimana Remy 17 September 2019 Yasuwe: 2828

Umunyakenya witwa Kinuthia Charles wari umaze amezi make atawe muri yombi we na bagenzi be babiri barimo n’umugore bazira gutekera umutwe urubyiruko bakarubeshya ko bazaruha akayabo k’amadolari 197 nibaza mu nama y’umunsi umwe muri Kigali Convention Center,bahagera bakabishyuza,yamaze gukatirwa igifungo cy’imyaka 2.



Kinuthia wari ukurikiranyweho ubutekwamutwe bwabereye muri Kigali Convention Centre bitewe n’inama yari yateguye akambura urubyiruko amafaranga ababwira ko ari ayo kwitabira iyi nama , yakatiwe gufungwa imyaka ibiri hamwe n’ihazabu ya miliyoni 3 FRW, mu gihe bagenzi be batatu bagizwe abere.

Kuri uyu wa Mbere nibwo urubanza rwasomwe n’Urukiko rw’Ibanze rwa Kagarama. Abaregwaga ni Dr Kinuthia, Rachel Matipei Nashipai na Vivian Khisa bakomoka muri Kenya n’Umunyarwanda Mohamad Niyonkuru, bashinjwa kwambura abantu ibyabo hakoreshejwe uburiganya no gutegura inama binyuranyije n’amategeko.

Urukiko rwahamije Kinuthia wari uyoboye itegurwa ry’inama yo muri Kigali Convention Centre, icyaha cyo kwihesha ikintu cy’undi hakoreshejwe amayeri, mu gihe kuri Matipei Rachel rwasanze ibimenyetso ubushinjacyaha bwatanze bidahagije ngo ahamwe n’icyaha cy’ubwambuzi kimwe na Vivian Khisa. Mohammed Niyonkuru we urukiko rwasanze mu bimenyetso byatanzwe harimo ugushidikanya.

Ku kindi cyaha bari bakurikiranweho cyo gukoresha inama mu buryo butemewe n’amategeko, abaregwa bose bakigizweho abere.

Iyi nama yateguwe n’aba banya Kenya barimo Charles Kinuthia n’abakozi be babiri barimo umwe w’umugore,yabaye ku wa 25 Kamena 2019. Abayitabiriye bavuze ko babwiwe ko bagombaga kuyiboneramo ubumenyi ariko bagahabwa n’amadorari 197 y’Amerika yo kwitabira (arenga 177,000 Frw) ndetse ngo basabwe kwishyura nibura 4,500 Frw kugira ngo bemererwe kuyitabira gusa polisi y’u Rwanda yaje kuyiburizamo nyuma yo kumva ko harimo ubutekamitwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1525 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1702 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 905 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1553 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3500 1

Habonetse abandi barwayi 18 ba Covid-19 barimo ab’i Rusizi n’abaturutse hanze...

Minisiteri y’Ubuzima yatangaje ko abantu 18 basanganywe Coronavirus mu...
11 June 2020 Yasuwe: 1262 0