Kwibohora byari bigamije kubaka u Rwanda Abanyarwanda bafitemo uburenganzira bungana-Perezida Kagame

Amakuru   Yanditswe na: Dusingizimana Remy 4 July 2019 Yasuwe: 1212

Nyakubahwa perezida Kagame yatangaje ko urugamba rwo kubohora u Rwanda rwari rugamije kubaka u Rwanda rushya kandi rwiza ruzira amacakubiri cyane ko rwari rumaze igihe kinini rutunze ubumwe.

Mu ijambo nyakubahwa perezida wa Repubulika Paul Kagame yagejeje ku banyarwanda,abashyitsi batandukanye bari bitabiriye umuhango wo kwizihiza imyaka 25 u Rwanda rumaze rwibohoye ndetse n’inshuti z’u Rwanda nyinshi zari zabukereye,yavuze ku butwari bw’ingabo zahagaritse Jenoside ndetse avuga ko impamvu urugamba rwo kwibohora rwabaye ari ukubaka u Rwanda rwunze ubumwe.

Yagize ati “Mu gihe cy’amezi 3 mu 1994,igihugu cyacu cyari mu marembera.Abarenga miliyoni 1 barishwe.Kuya 04 Nyakanga 1994,ingabo zacu zari zimaze guhagarika Jenoside.Uko igihe gihita niko twibutsa ko urugamba rwo kwibohora rutari urwa gisirikare nk’izo dusanzwe tuzi,rwari urugamba rwo kurokora abahigwaga.

Intego y’urugamba rwo kwibohora kwari ukubaka u Rwanda abantu bose bafitemo uburenganzira bungana,ni ukuvuga kugira Repubulika nyakuri.Imyaka myinshi abanyarwanda bafatwaga nk’ibikoresho,abafite imbaraga n’ububasha bakoreshaga uko bashatse.Akababaro k’impunzi n’ikandamizwa ry’abari mu gihugu byose byari bifite inkomoko imwe.

Ese ubundi hari igihe mu mateka twigeze tuba igihugu cyunze ubumwe?,nyamara umuco wacu uduha uburyo bwo kubaka umuryango nyawo.Kwibohora ntabwo byari bigamije gusubizaho ibya kera ahubwo bwari uburyo bwo guhanga igihugu gishya kandi cyiza.Uru rugamba rwari ngombwa kandi nta kundi byari kugenda.”

Nyakubahwa perezida Paul Kagame yavuze ko icyerekezo cy’ubumwe n’ubutabera aricyo cyatumye benshi bashyigikira u Rwanda ndetse gihamya yari mu bikorwa aho kuba mu magambo gusa.

Perezida Kagame yavuze ko mu myaka 25 ishize u Rwanda rwibohoye ubuyobozi bwagerageje kubaka igihugu mu murongo mwiza baharaniye,bituma Abanyarwanda bongera kunga ubumwe no gukorera hamwe.

Perezida Kagame yasoje ijambo rye yibutsa abanyarwanda ko nubwo hari aho igihugu kigeze badakwiriye kwirara kuko abatangije urugamba rwo kwibohora batatatiye igihango bityo ari inshingano ya buri munyarwanda kurinda ibyagezweho.

Perezida Kagame yavuze kandi ko u Rwanda ruzi neza ko urugendo rwo kwibohora rufite aho ruhuriye no kubohora umugabane w’Afurika aho buri Munyafurika wese afite intumbero y’ubwigenge no kugira ubuzima bwiza.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Mukristo

    Mu muco nyarwanda, abasaba umugeni ntibahakana ibyo aribyo byose babwirwa/ bashinjwa n’abasabwa umugeni (nubwo bababeshyera), gusa barabigorora ku buryo baza guhabwa umugeni (wa muco mubi wo kubeshya w’abanyarwanda). Ndabona abagabo aribyo barimo.!? DUKURIKIRE UMUKINO! REKA TURORE AHO BYEREKEZA! La vie est belle margres les soucis.

    1 month ago
  • chat_bubble Mukristo

    Mu muco nyarwanda, abasaba umugeni ntibahakana ibyo aribyo byose babwirwa/ bashinjwa n’abasabwa umugeni, gusa barabigorora ku buryo baza guhabwa umugeni. Ndabona abagabo aribyo barimo.!? DUKURIKIRE UMUKINO! REKA TURORE AHO BYEREKEZA! La vie est belle margres les soucis.

    1 month ago

Inzindi nkuru

Nyamasheke: Imodoka itwara abagenzi yarenze umuhanda benshi barakomereka...

Mu karere ka Nyamasheke habereye impanuka y’imodoka itwara abagenzi yo mu...
18 August 2019 Yasuwe: 3722 1

Rubingisa Pudence niwe watorewe kuyobora umujyi wa Kigali

Rubingisa Pudence ni we watorewe kuba umuyobozi mushya w’Umujyi wa Kigali mu...
17 August 2019 Yasuwe: 2670 0

Perezida w’ u Rwanda Paul Kagame yashyizeho abajyanama 5 b’ umujyi wa...

Kuri uyu wa Gatanu tariki 16 Kanama 2019 Perezida w’ u Rwanda Paul Kagame...
17 August 2019 Yasuwe: 1237 0

Rwanda Day ihuza Abanyarwanda baba hanze yahawe itariki nshya

Ambasade y’u Rwanda mu Budage, yatangaje ko umunsi uhuza Abanyarwanda uzwi...
17 August 2019 Yasuwe: 1937 0

Nyamasheke: Ikamyo yari itwaye lisansi yaturikiye hafi ya station shoferi...

Ikamyo yerekezaga I Rusizi itwaye Lisansi yahiriye I Nyamasheke hafi ya...
16 August 2019 Yasuwe: 3374 1

Minisitiri Busingye yaciwe ibihumbi 50 FRW by’amande na kamera yo ku muhanda...

Minisitiri w’ Ubutabera w’ u Rwanda, Johnston Busingye,yatangaje kuri Twitter...
15 August 2019 Yasuwe: 4312 1