Leta y’u Rwanda igiye guha ijambo rikomeye abaturage mu kuvugurura ibyiciro by’ubudehe

Amakuru   Yanditswe na: Dusingizimana Remy 14 February 2019 Yasuwe: 1645

Benshi mu banyarwanda ntibishimiye ibyiciro by’ubudehe barimo,ariyo mpamvu Leta y’u Rwanda yemeje ko igiye kubivugurura ndetse abaturage bakabigiramo ijambo rikomeye.

Hirya no hino mu gihugu abantu barinubira ibyiciro by’ubudehe bashyizwemo,aho bamwe bavuga ko bashyizwe mu byiciro bitabakwiye abandi bakavuga ko abayobozi b’inzego zibanze bagiye batanga ibi byiciro huti huti bigatuma abanyarwanda batabiha agaciro .

Minisitiri w’Ubutegetsi bw’Igihugu, Prof. Shyaka Anastase, yabwiye IGIHE dukesha iyi nkuru ko ibyiciro by’ubudehe bigeye kuvugururwa ndetse ibizatangwa bizashingira ku bitekerezo by’abanyarwanda.

Ygize ati “Turifuza ko muri uku kwezi kwa kabiri wenda n’iminsi micye y’ukwa gatatu tuba tumaze kubona ishusho y’ibyo abanyarwanda bifuza kugira ngo tubyegeranye tuzakore politike y’iki gikorwa dushingiye ku bitekerezo biturutse mu banyarwanda b’ingeri zitandukanye.

Turifuza kumanuka tukegera abanyarwanda bakaduha ibitekerezo, ibyiciro byakora ni ibihe, ese twashingira kuki? iyo abantu bari mu cyiciro cy’ubukene ntabwo bakijyamo kugira ngo bakiraremo, bagishakiremo, bakibyariremo buzukururizemo, ni ukugira ngo biduhe ishusho y’uburyo twabafasha bashobore kuzamuka.”

Bamwe mu banyarwanda bagezweho n’ingaruka zo gushyirwa mu byiciro bihanitse batagakwiriye kujyamo bituma abana babo Babura amahirwe yo kwiga kaminuza,abandi Babura ubwishingizi n’ibindi bibazo bitandukanye.

Imibare y’uko Abanyarwanda baganyije mu byiciro by’ubudehe

Mu cyiciro cya mbere harimo ingo 376,192 zigizwe n’abantu 1,480,167. Ni ukuvuga ko ari 16% by’Abanyarwanda bose.

Icyiciro cya kabiri cy’Ubudehe kirimo ingo 703,461 zigizwe n’abantu 3,077,816 bangana na 29.8% by’Abanyarwanda bose.

Icyiciro cya gatatu cy’Ubudehe cyo kirimo ingo 1,267,171 zituwe n’Abanyarwanda 5,766,506 bangana na 53.7% by’Abanyarwanda bose, mu gihe icya Kane kirimo ingo 11,664 zituwe n’Abanyarwanda 58,069, bahagarariye 0.5% by’abatuye igihugu cyose.

Imibare igaragaza ko mu Mujyi wa Kigali ariho hari abantu benshi bifashije kuko 57.6% by’abari mu cyiciro cya kane niho babarizwa.

Ibyiciro by’ubudehe bivugururwa buri myaka itatu kugira ngo harebwe aho umuturage yavuye n’aho ageze mu kwiteza imbere. Ni ku nshuro ya gatatu bigiye kuvugururwa, kuko byatangiye mu mwaka wa mwaka wa 2011.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble VICTOR

    Ndabona abanyarwanda badafite ibyiciro by’ubudehe ari benshi cyanee kuberako umubare mbona w’abaturage bose babifite ari 10 millions gusa kdi turenze 12 millions!

    1 month ago
  • chat_bubble VICTOR

    Ndabona abanyarwanda badafite ibyiciro by’ubudehe ari benshi cyanee kuberako umubare mbona w’abaturage bose babifite ari 10 millions gusa kdi turenze 12 millions!

    1 month ago

Inzindi nkuru

Abayisilamu 22 bari bakurikiranyweho ibyaha by’iterabwoba bagizwe abere...

Abayisilamu 22 muri 40 bakurikiranyweho ibyaha by’iterabwoba bagizwe abere...
23 March 2019 Yasuwe: 1603 1

Gasana Janvier na John Rutayisire basimburanye kuyobora REB batawe muri...

Abahoze ari abayobozi ba REB aribo Gasana Janvier ndetse na John batawe...
22 March 2019 Yasuwe: 1670 1

Nyanza: Inzu abakobwa bo ku ishuli rya Nyanza Technical School bararagamo...

Inzu yararagamo abakobwa biga ku kigo cya Nyanza Technical School...
22 March 2019 Yasuwe: 1581 0

Wa mugabo warekuwe ku mbabazi za Perezida Kagame abisabiwe n’umwana we...

Umugabo witwa Ndayisenga Yassini waherukaga kumenyekana kubera ukuntu...
21 March 2019 Yasuwe: 7881 0

Abaturiye ikigo cya Gako baburiwe nyuma yo gutema abasirikare babiri...

Abaturage baturiye ikigo cya gisirikare cya Gako babwiwe n’umuyobozi...
21 March 2019 Yasuwe: 6643 0

Hashyizwe hanze urutonde rw’imijyi ihenze kuyibamo kurusha iyindi ku isi...

Umurwa mukuru Paris w’Ubufaransa ni wo mujyi wahize iyindi mu kugora abantu...
20 March 2019 Yasuwe: 5197 0