Minisitiri Evode yavuze ukuntu ijambo rya perezida Kagame ryamufashije kwitandukanya n’abarwanya ubuyobozi bw’u Rwanda

Amakuru   Yanditswe na: Dusingizimana Remy 26 October 2019 Yasuwe: 3268

Umunyamabanga wa Leta Ushinzwe Itegeko Nshinga n’andi Mategeko, Uwizeyimana Evode, yavuze ko ijambo perezida wa Repubulika yavugiye muri Rwanda Day yabereye Toronto muri 2013 ryamufashije guhinduka atera umugongo abarwanya ubutegetsi bw’u Rwanda yari ashyigikiye aho yemeza ko ubu ari igipimo cyiza cy’umuntu ushobora guhinduka agakora byiza.



Minisitiri Evode yavuze ko nyuma y’igihe kinini afatanya n’abarwanya Leta y’u Rwanda,gahunda ya Ndi Umunyarwanda yamufashije kwitekerezaho no kugaruka mu nzira nzima nyuma y’ijambo perezida Kagame yavugiye muri Rwanda Day yabereye I Toronto muri Canada.

Yagize ati “Umuntu ashobora kwibaza ati ‘ariko Evode wo muri BBC na Evode wo muri MINIJUST bapfana iki?’ Ni ikibazo wenda wakwibaza… Icyo gihe, ni mwe mwaca urubanza, ntabwo ari njyewe. Perezida Kagame aza i Toronto muri Rwanda Day, yavuze imbwirwaruhame yatumye njya gushaka itike ya kare. Yaravuze ngo abahashye ubwenge, abafite amafaranga, abahashye ubwenge mubuzane turabushaka, abahashye ubushobozi turabushaka, ariko abahashye imico mibi muyigumane hano.”

Nisanze mu bantu bahashye ubwenge nibazaga ko burimo gupfa ubusa. Kuko hari abantu, warebaga ibyo ukora, njye nkunda kwikorera isuzuma nkavuga ngo muri iyi myaka itanu ngeze hehe? Urwanya leta, ese ndi njyenyine, hari abo dufatanyije se, rimwe ugasanga n’abantu bashaka ko usobanura ibidashoboka, n’amakosa bo bakoze n’iyo politiki utarayijyamo cyangwa utaranavuka bagashaka kubigushyira ku mutwe ngo ni wowe uzi gusobanura ibintu."

Avuga kuri gahunda ya Ndi Umunyarwanda,Minisitiri Evode yamaganye abashaka kuyihindurira ubusobanuro.

Ati “Abantu basobanura Ndi Umunyarwanda, iyo bashaka gukabya bamwe bayihindurira kamere bakavuga ngo igamije kwemeza Abahutu ibyaha batakoze. Ariko si byo. Ndi Umunyarwanda njyewe yaramfashije nk’umuntu, kandi ni yo mpamvu mvuga ngo njyewe ndi igipimo cy’uko umuntu ashobora guhinduka, cyane cyane iyo ashobora kwisuzuma akareba ibyo akora, akavuga ati ‘ibi bintu, ubwenge mfite, reka ndebe ko nagira icyo nkora kandi hamwe n’abandi."

Ibi Minisitiri Evode yabitangaje kuri uyu wa Gatanu ubwo yatangaga ikiganiro mu Ihuriro ngarukamwaka rya 12 ry’Umuryango Unity Club Intwararumuri, ryari rifite insanganyamatsiko igira iti “Ndi Umunyarwanda Igitekerezo-ngenga cy’Ukubaho kwacu.”

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Karongi:Pasiteri yakubise umwana w’imyaka 15 amwangiza ubugabo

Umwana w’umuhungu ufite imyaka 15 wo mu murenge wa Bwishyura,mu karere ka...
15 November 2019 Yasuwe: 3952 0

Victoire Ingabire yasanishijwe n’ubutumwa Perezida Kagame yatangiye mu ngoro...

Abakoresha imbuga nkoranyambaga na bamwe mu banyamakuru, basanishije...
15 November 2019 Yasuwe: 4247 0

Sobanukirwa iby’ubutaka buri mu mujyi wa Kigali butabyazwa umusaruro bugiye...

Ku wa mbere tariki 11 Ugushyingo 2019 nibwo umujyi wa Kigali watangaje ko...
15 November 2019 Yasuwe: 2288 0

U Rwanda rwatesheje agaciro itangazo rya Leta ya Uganda rivuga ku bagande...

Guverinamo y’u Rwanda yatesheje agaciro itangazo rya leta ya uganda rivuga...
15 November 2019 Yasuwe: 2826 0

Umubyeyi wa Mutabazi meya w’akarere ka Bugesera yamutunguye mu biro bye...

Umuyobozi w’Akarere ka Bugesera Richard Mutabazi yatunguwe mu biro bye...
15 November 2019 Yasuwe: 10942 0

U Rwanda rwasabye Uganda kwimura ibiganiro bagombaga kugirana mu gushyira...

Nubwo byari biteganyijwe ko kuwa 18 Ugushyingo 2019 aribwo abayobozi b’u...
15 November 2019 Yasuwe: 1493 0