Mukabalisa yongeye kuba Perezida w’ Umutwe wa Abadepite

Amakuru   Yanditswe na: Nsanzimana Ernest 19 September 2018 Yasuwe: 1104

Mukabalisa Donatille wari usanzwe ayobora Inteko Ishinga Amategeko, Umutwe w’Abadepite muri manda ishize, yongeye gutorerwa kuwuyobora muri manda nshya y’imyaka itanu.

Ni kuri uyu wa 19 Nzeri 2018 nyuma y’umuhango wo kurahirira gutangira imirimo ku Badepite baherutse gutorwa mu matora aherutse kuba mu ntangiriro z’uku kwezi.

Nk’uko bisanzwe biro y’Inteko Ishinga Amategeko, Umutwe w’Abadepite, iyo imaze gutorwa ihita irahirira inshingano nshya iba ibonye nyuma nayo ikazashyiraho abayobozi ba za Komisiyo.

Biro ntabwo ishobora kuyoborwa n’abagabo gusa cyangwa umutwe umwe wa politiki, kuko mbere y’itora haba ibiganiro ku buryo abadepite bitabira inama y’Inteko Rusange biteguye; byose bigakorwa mu ibanga.

Depite Izabiriza Marie Mediatrice, niwe wamamaje Mukabalisa Donatille uturuka muri PL. Mukabarisa ni umugore ufite imyaka 58, wubatse, ufite abana batatu.

Izabiriza yagize ati “Yuje ubuhanga n’ubushishozi, afite ubunararibonye mu mikorere y’inteko kuko kuva mu 2000 kugera mu 2018, uretse imyaka itatu ni yo atabaye mu Nteko.”

Imyaka itatu yonyine ni yo atari umudepite kuko yari umusenateri. Mukabalisa yabajijwe niba yemeye kuba yamamajwe, asubiza avuga ko abyemeye.

Mukabarisa ni we mukandida wenyine wahataniye uyu mwanya nyuma y’uko undi wiyamamaje, Ruku John Rwabyoma wari kurutonde rw’abakandida ba FPR, yagonzwe n’ingingo y’Itegeko Nshinga ivuga ko Perezida w’Umutwe w’Abadepite atagomba kuva mu mutwe umwe wa Politiki na Perezida wa Repubulika.

Rwabyoma yahise avuga ko atakwica ibyo itegeko riteganya avuga ko ashyigikiye Mukabalisa wari usanzwe ayobora Inteko.

Mukabalisa wari umukandida rukumbi, yatowe ku majwi 80 kuri 80. Ni ukuvuga ko inteko yose itora yamuhundagajeho amajwi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yababariye ba bana batsindiye ibizamini bya Leta muri...

Umukuru w’igihugu Nyakubahwa Paul Kagame yababariye abana abana 16 barimo...
16 January 2019 Yasuwe: 2051 0

Nyamirambo:Abanyerondo bategetswe kurinda irimbi kubera ibisambo bitaburura...

Abanyerondo b’I Nyamirambo bategetswe kurinda irimbi riherereye ahitwa mu...
16 January 2019 Yasuwe: 1598 0

Umwarimu wa IPRC Gishari yatawe muri yombi azira gusinziriza umuhungu...

Umwarimu wigisha mu ishuri rikuru ry’ubumenyingiro rya IPRC Gishari...
15 January 2019 Yasuwe: 3634 3

Uko isi yiriwe kuwa 14 Mutarama 2019:Perezida Kagame yakiriye Perezida...

Perezida Teodoro Obiang Nguema wa Guinea Equatoriale yabaye perezida wa...
14 January 2019 Yasuwe: 910 0

Huye:Ababyeyi bajyanye abana ku ishuli basanga imyanya yaruzuye kandi ariho...

Ikibazo cy’ibigo by’amashuli gikomeje kuba ingorabahizi kuko REB yagiye...
14 January 2019 Yasuwe: 1724 1

Obiang Nguema yabaye perezida wa mbere usuye u Rwanda muri 2019

Perezida wa repubulika Paul Kagame arakira Perezida wa Guinée Equatoriale,...
14 January 2019 Yasuwe: 787 1