Musanze: Abanyeshuli bo muri UR-CAVM batawe muri yombi bazira gukubita umugabo bakamukomeretsa bamushinja gushaka kubiba mudasobwa

Amakuru   Yanditswe na: Dusingizimana Remy 6 May 2019 Yasuwe: 2178

Abanyeshuli batatu bo muri Kaminuza y’u Rwanda mu Ishami ry’Ubuhinzi n’Ubworozi (CAVM) riherereye mu Karere ka Musanze, batawe muri yombi bazira gukubita umuturage bashinjaga gushaka kubiba imashini zabo zo mu bwoko bwa Positivo BGH.

Aba banyeshuli bafashe uyu mugabo bivugwa ko yari aje kubiba izi mashini mu ijoro ryo ku wa Gatandatu, tariki ya 4 Gicurasi 2019, baramukubita bamukomeretsa ku maboko.

Uyu mugabo ukekwaho ubujura yafatiwe mu rugo rw’uwitwa Kanyangezi Innocent w’imyaka 38 y’amavuko, aho yakubitiwe agakomeretswa.

Polisi y’Igihugu muri Musanze yatangiye iperereza ndetse ita muri yombi aba banyeshuri batatu bakubise uyu mugabo na nyir’urugo babagamo nkuko Umuvugizi wa Polisi mu Ntara y’Amajyaruguru CIP, Rugigana Alex, yabibwiye IGIHE dukesha iyi nkuru.

Yagize ati “Nibyo ayo makuru nayamenye mu gitondo, abo bantu baramukubise baramukomeretsa cyane ku maboko, yafatiwe mu rugo rwa Kanyangezi ariko nta kimenyetso kigaragaza ko yari agiye kubiba n’ubwo hari umuhoro bamufatanye.”

Umugabo wakubiswe akekwaho gushaka izi mashini z’aba banyeshuli, yahise ajyanwa kuvurizwa mu Bitaro bya Ruhengeri mu gihe aba banyeshuli na nyir’urugo bari bacumbitsemo bafungiye kuri Sitasiyo ya Polisi ya Busogo .

Andi makuru avuga ko uyu mugabo ukekwaho ubujura yafashwe n’umwe muri aba banyeshuli 3 wari watinze gutaha ndetse ngo yaje mu rugo babagamo yitwaje umupanga babanza kuwumwambura mbere yo kumukubita.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Runiga

    Ntimubarenganye kuko bamaze iminsi bumva polisi irasa ubutitsa abakekwaho ubujura. Kuki se polise idatabwa muriyombi kandi yo ibayishe ?

    5 months ago

Inzindi nkuru

Major Mudathiru na bagenzi be baregwaga kuba mu mutwe wa P5 bemeye bimwe...

Major Mudathiru uregwa kuba umwe mu bayobozi b’inyeshyamba zo mu Mutwe wa...
18 October 2019 Yasuwe: 1157 0

RURA yatangaje impinduka zikomeye zigiye gukorwa mu gutwara abantu n’ibintu...

Ubuyobozi bw’Urwego rw’Igihugu rushinzwe kugenzura imirimo ifitiye igihugu...
18 October 2019 Yasuwe: 1854 0

Nyabihu : Umugabo arakekwaho kwica umugore we bari bamaranye ibyumweru 3...

Umugabo witwa TURIMUBYIZA Jean Nepo w’imyaka 21 y’amavuko ukomoka mu murenge...
17 October 2019 Yasuwe: 6825 0

Uburengerazuba n’Amajyepfo hashobora kugwa imvura idasanzwe mu mpera z’iki...

Ikigo cy’igihugu gishinzwe iteganyagihe cyongeye gutangaza ko imvura...
17 October 2019 Yasuwe: 2087 0

Perezida Kagame yibukije abinjiye muri Sena ko ubuyobozi ari amahirwe...

Nyakubahwa perezida wa Repubulika Paul Kagame yabwiye abinjiye mu mutwe...
17 October 2019 Yasuwe: 1602 0

Dr Iyamuremye Augustin niwe watorewe kuyobora Sena

Dr. Iyamuremye Augustin niwe watorewe kuyobora Sena y’u Rwanda muri manda...
17 October 2019 Yasuwe: 2935 2