Min Mushikiwabo yibaza impamvu ’New York Times’ itarambirwa gutangaza ibihuha ku Rwanda

Amakuru   Yanditswe na: Iyamuremye Janvier 12 August 2017 Yasuwe: 2572

Minisitiri w’Ububanyi n’amahanga w’u Rwanda, Louise Mushikiwabo ngo yibaza niba ikinyamakuru New York Times kitajya kirambirwa gukwirakwiza ibihuha bisebya u Rwanda, ngo Perezida Paul kagame ni amahitamo y’abanyarwanda.

Mushikiwabo yihanagirije buri wese ukomeje kwibaza ku mpamvu abanyarwanda bashyigikiye ko Paul Kagame ya kongera kubayobora muri manda y’imyaka irindwi. Ngo amahitamo y’abanyarwanda si ay’abandi bantu.

Ibi abatingaje nyuma y’inkuru yasohotse muri iki kinyamakuru ‘New York Times’ yagiye hanze mu minsi ishize. Yari ifite umutwe ugira uti “Democracy is Rwanda’s Losing Candidate’, ugenekereje mu Kinyarwanda igira iti ‘Demokarasi ni umukandida utatsinda mu Rwanda.”

Muri iyo nkuru bitsa cyane ku matora yabaye mu Rwanda muri Kanama tariki ya 03 na 04, bavuga ko atari amatora ahubwo ko kwari ukurangiza umuhango cyane ko uwari gutorwa yari azwi. Iri tsinda ryanditse iyi nkuru banagaragaza ko amajwi yabonywe n’abandi bakandida babiri [Mpayimana na Habineza] batayemera.

Muri iyi nkuru basa n’abasesengura Politiki y’u Rwanda kuva mu 1994,bavuga ko Paul Kagame yagejeje u Rwanda ku iterambere rifatika kugeza ubu ariko ko mu gihugu nta buhumekero buhari, ngo abaturage babayeho batavuga batinya kuvuga ibyiyumviro byabo.

Hejuru y’ibyo, banavuga kuri rapoo y’ Umuryango Mpuzamahanga wita ku burenganzira bwa muntu ‘Human Rights Watch’, iherutse gushyirwa hanze mu kwezi gushije. Aho bavuga ko mu Rwanda abakora ibyaha bito bicwa n’inzego z’umutekano, raporo u Rwanda rwamaganiye kure.

Banakomoza kubyabonywe na Leta zunze ubumwe za Amerika mu gihe cy’amatora aho bagaragaje ko mu Rwanda nta opozisiyo ihari ngo ibinyamakuru biracecetse.
Minisitiri Mushikiwabo yanditse ku rukuta rwe rwa Twitter ubutumwa bwihaniza iki kinyamakuru, yanditse mu rurumi rw’icyongereza tugenekereje mu Kinyarwanda yagize ati “ Ikinyamakuru New York Times ntabwo kijya kinanirwa iyo gitangaza amakuru y’ibihuha; adafite ibimenyetso ku Rwanda? Kagame ni amahitamo y’Abanyarwanda, ntabwo ari ayanyu!”

Si ubwa mbere Mushikiwabo yihaniza abavuga nabi U Rwanda kuko mu minsi ishize yihanangirije Bwana Keneth Roth w’Ishyirahamwe rihaharanira uburenganzira bwa muntu ku isi, Human Right Watch ukunze kuvuga cyane ku Rwanda.

Mushikiwabo yamubwiye ko adakwiye kuvuga u Rwanda uko rutari ari nabwo yamubwiraga ko yaza mu Rwanda akajyanwa mu Bitaro bya Ndera muri Gasabo .
Yagize ati “Ken,Ken,Ken… ubwo aho ntiwahagaritse ya imiti wari uriho ? Hari ahantu hakugenewe hitwa i Ndera mu Rwanda ni ahantu wabona ubufasha rwose “…

Indi nkuru bifitanye isano: http://umuryango.rw/amakuru/mu-rwanda/article/mushikiwabo-yasabiye-umuyobozi-wa-human-right-wacth-kuvurirwa-i-ndera

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble coco

    Umva Mada ndagukuuunda cyane kuko abo bazungu ubabwiza ukuri nkishima igihe bahereye baradushakaho iki koko uziko ibyishimo byacu ariwo mubabaro wabo!!baradushakira iki Ku Mubyeyi wacu Paul Imana yatwihereye.

    5 months ago
  • chat_bubble Dismas Mukiza

    Nyakubahwa ministre uwububa abonwa n’uhagaze. Niba twe tudashobora gutinyuka kubakora mu jisho kuber’uburyo mwirirwa muducura bufuni na buhoro si uko tunezerewe ahubwo ni inzu yitwa 1930 dutinya nta kindi. Kandi abanyarwanda twese turaziranye kandi ngo abaziranye bahahirana mu mwijima.

    5 months ago
  • chat_bubble BURAHO BAKWIYE Jean Sauveur

    Sibomana y’abanyarwanda
    Twekorere abogera bogere

    5 months ago

Inzindi nkuru

Arcbishop Rwaje wari umukuru w’ abangirikani yasimbujwe

Abangirikani bo mu Rwanda kuri uyu wa Gatatu tariki 17 Mutarama 2017...
17 January 2018 Yasuwe: 375 0

Umunyamakuru Kayumba Casmir yitabye Imana bitunguranye

Kayumba William Casmiry wari umaze igihe kinini akora mu itangazamakuru...
16 January 2018 Yasuwe: 1839 0

Minisitiri Uwacu yasabye abanyeshuri guhoza ku mutima indangaciro z’ umuco...

Minisitiri w’Umuco na Siporo Uwacu Julienne yasabye urubyiruko 150 rwavuye...
15 January 2018 Yasuwe: 170 0

Nyamirambo: Umugore bakundaga kwita Mama Fifi bamusanze mu nzu...

Munyana Aline bakundaga kwita Fifi waruzaga akabari , I Nyamirambo mu...
15 January 2018 Yasuwe: 2641 0

Ibyo Bishop Rugagi yahanuriye Umurundikazi byarasohoye UN irumirwa

Umurundikazi wakoreraga umuryango w’Abibumbye mu gihugu cya Sudan y’epfo...
13 January 2018 Yasuwe: 2205 0

Gacinya yasabye gufungurwa akajya kwita ku mugore n’abana

Umuyobozi wa Kompanyi ya MICON akaba na visi Perezida w’ikipe ya Rayon...
11 January 2018 Yasuwe: 696 0