Nanditse nciye bugufi ko mu bihe byose twiteguye gufatanya- Ubutumwa Perezida wa Misiri yasigiye mugenzi we w’u Rwanda

Amakuru   Yanditswe na: Iyamuremye Janvier 16 August 2017 Yasuwe: 1720

Ubutumwa Perezida wa Misirri, Abdel fattah Al-Sisi yasigiye mugenzi we w’u Rwanda, mu gitabo cy’abashyitsi ku kibuga Mpuzamahanga cya Kanombe ubwo yasozaga uruzindo rwe mu Rwanda.

Mu butumwa Perezida Sisi yasize mu gitabo cy’abashyitsi basuye u Rwanda yagize ati "

Mu izina ry’Imana nyir’imigisha, nyir’imbabazi; Nyakubahwa, muvandimwe kandi nshuti, Paul Kagame; nyemerera mbagezeho mwe ubwanyu n’abaturage icyubahiro no gutangazwa n’Igihugu cyanyu gikomeye, nsaba Imana ko yakirinda ikanagiha imigisha.

Nyakubahwa Nshuti y’icyubahiro Paul Kagame, ibyo mbonye muri uru ruzinduko rwanjye mu gihugu cyanyu, n’ibyo nabonye by’umuco w’abaturage banyu biyubashye, ni ibyo kubahwa no gutangarira, bikanagaragaza ubuhangange bwawe muvandimwe Kagame.

Ubwenge, ubushishozi n’ibitekerezo byimbitse ni byo bizana iterambere n’umunezero mu gihugu cy’u Rwanda mu gihe cy’ubuyobozi bwawe.

Iki gihugu gikomeye cyagize amahano nyuma yayo haza ineza n’umunezero, ku isonga hari umuvandimwe wanjye Kagame. Nanditse nciye bugufi ko mu bihe byose twiteguye gufatanya hagamije kubaka umutekano n’amahoro.

Nyakubahwa muvandimwe Kagame, mbifurije amahirwe n’iterambere, n’ineza bikomoka ku muco n’indangagaciro bikuranga, akenshi bitakiboneka muri iki gihe.
Nongere mbamenyeshe umunezero ntewe n’uru ruzinduka, n’ubucuti bwanjye nawe, ndifuza kuzakubona mu gihugu cyanyu cya kabiri, cya Misiri. Mu kurangiza mbifurije amahoro y’Imana n’imigisha.
16/08/2017
Umuvandimwe wanyu,
ABDEL FATTAH AL-SISI

AMAFOTO NA VIDEWO:

Perezida Sisi yasize yanditse mu gitabo cy’abashyitsi basuye u Rwanda





Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yitabiriye Car Free Day bwa kabiri

Kuri iki Cyumweru tariki 17 Kamena 2018, Perezida w’ u Rwanda Paul Kagame...
17 June 2018 Yasuwe: 2673 0

Gitifu w’ umurenge ushinjwa gusuzugura ingabo yasabye imbabazi

Anaclet Niyonsaba Umunyamabanga nshingwabikorwa w’ umurenge kibilizi wo mu...
16 June 2018 Yasuwe: 4203 1

Madamu Jeannette Kagame yasabiye abana ijambo mu igenamigambi

Ubwo hizihizwaga umunsi w’umwana w’umunyafurika, umufasha wa Perezida wa...
16 June 2018 Yasuwe: 683 0

Komisiyo yo kuvugurura amategeko yasuye urwibutso rwa ’Komine Rouge’ inasura...

Umubyeyi warokotse Jenocide yakorewe abatutsi mu karere ka Rubavu mu 1994...
15 June 2018 Yasuwe: 1010 0

Umuforomo yanze kwakira umurwayi ngo udafite mituelle ahita...

Umuforomo witwa Nyirarukundo Josiane wok u bitaro bya Kaminuza I Butare...
15 June 2018 Yasuwe: 6400 6

Abiga mu bigo byigenga nabo ntibemerewe telefone n’ imisatsi...

Minisiteri y’ uburezi mu Rwanda yatangaje ko abanyeshuri biga mu mashuri y’...
14 June 2018 Yasuwe: 2505 0