Ngoma: Umuyobozi w’Umudugudu yaburiwe irengero nyuma yo kumena umuturage ijisho

Amakuru   Yanditswe na: Dusingizimana Remy 31 July 2019 Yasuwe: 1883

Umuyobozi w’umudugudu wa Nyagatovu mu Kagari ka Gatonde,Umurenge wa Kibungo mu Karere ka Ngoma witwa Ndayambaje Ferdinand yaburiwe irengero nyuma yaho ameneye ijisho umuturage witwa Sahunkuye Celestin uzwi nka Cyaka barimo barwana.

Uyu muyobozi w’umudugudu yaburiwe irengero n’inzego z’umutekano kuva kuwa 23 Nyakanga 2019 ubwo yari amaze gushyamirana n’uyu muturage ayobora akamumena ijisho .

Amakuru agera ku umuryango ni uko uyu muyobozi w’umudugudu yashyamiranye n’uyu muturage bapfa radio nkuko abaturage babitangarije abanyamakuru.

Umwe yagize ati “Bapfuye Radiyo uyu Cyaka yagurishaga.Umuyobozi w’Umudugudu yashakaga kuyimwaka ngo ariwe uyigurisha amafaranga avuyemo azayakoreshe mu kubaka ubwiherero bw’abana batawe na n’umugore wa Cyaka.Byarangiye bafatanye bararwana umukuru w’Umudugudu amukubita inkoni mu maso amukomeretsa ijisho rirangirika.”

Abaturage bo muri uyu Mudugudu wa Nyagatovu, batangaje ko kugeza ubu ntawe urabona uyu mukuru w’Umudugudu ariko ko bakeka ko yahishwe nabo mu muryango we.

Ijisho rya Sahinkuye Celestin Cyaka ngo ryamaze gukurwamo kuko ryari ryangiritse kuburyo ritakira.

Umunyamabanga nshingwabikorwa w’Umurenge wa Kibungo Kanzayire Console yemeje ko uyu mukuru w’Umudugudu wa Nyagatovu yaburiwe irengero ndetse ngo bahise bamusimbuza by’agateganyo.

Yagize ati“Nibyo ntabwo tumuheruka kuva yashyamirana nuwo muturage akamukomeretsa ijisho, twahise tumusimbuza by’agateganyo ubu dutegereje ko aboneka agashyikirizwa inzego z’ubutabera.”

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tuyiringire nyuma y’amezi 23 akubitwa anakoreshwa imirimo y’uburetwa muri...

Tuyiringire Elias w’imyaka 24 y’amavuko, avuga ko aruhutse gukubitwa, kurya...
22 October 2019 Yasuwe: 870 0

Minisitiri Busingye yasabye kwakirwa mu isi nshya ya Instagram

Minisitiri w’ubutabera akaba n’intumwa ya Guverinoma Johnston Busingye...
22 October 2019 Yasuwe: 918 0

Leon Mugesera yashinje umucamanza ko amwanga urubanza rurasubikwa

Kuri uyu wa mbere taliki ya 21 Ukwakira 2019, nibwo Dr Léon Mugesera...
21 October 2019 Yasuwe: 2810 2

U Rwanda rwahakanye ku by’ubutumire bwa Uganda ku biganiro na yo bivugwa ko...

Umunyamabanga wa Leta muri Minisiteri y’Ububanyi n’amahanga y’u Rwanda, Amb....
21 October 2019 Yasuwe: 2436 2

U Rwanda rwatangaje impamvu inama ya kabiri yiga ku masezerano ya Angola...

Umunyamabanga wa Leta muri Minisiteri y’Ububanyi n’amahanga,Amb.Nduhungirehe...
21 October 2019 Yasuwe: 1529 0

Polisi y’igihugu yavuze kuri Grenade yatewe mu mujyi wa Kamembe igakomeretsa...

Police y’igihugu yasohoye itangazo rivuga ku bagizi ba nabi bateye Grenade...
20 October 2019 Yasuwe: 7111 1