Ku cyumweru tariki ya 09 Nyakanga 2017, Umugabo bikekwa ko ari umurwayi wo mu mutwe yishe umwana w’umuhungu uri mu kigero cy’imyaka umunani. Ibi byabereye mu Murenge wa Kavumu, mu Karere ka Ngororero.
Akimara kwica umwana we yahise afatwa n’inzego z’umutekano aza gufungurwa kuri uyu wa Gatatu w’iki cyumweru.
Bamwe mu baturage ntibiyumvisha ukuntu uyu mugabo yahise arekurwa, ngo ntiyari akwiriye kurekurwa ahubwo ngo yagakwiriye gusubizwa mu kigo cy’abarwayi bo mu mutwe.
Umuyobozi Wungirije (...)

Sponsored Ad

Ku cyumweru tariki ya 09 Nyakanga 2017, Umugabo bikekwa ko ari umurwayi wo mu mutwe yishe umwana w’umuhungu uri mu kigero cy’imyaka umunani. Ibi byabereye mu Murenge wa Kavumu, mu Karere ka Ngororero.

Akimara kwica umwana we yahise afatwa n’inzego z’umutekano aza gufungurwa kuri uyu wa Gatatu w’iki cyumweru.

Bamwe mu baturage ntibiyumvisha ukuntu uyu mugabo yahise arekurwa, ngo ntiyari akwiriye kurekurwa ahubwo ngo yagakwiriye gusubizwa mu kigo cy’abarwayi bo mu mutwe.

Umuyobozi Wungirije w’Akarere ka Ngorerero ushinzwe imibeho myiza y’abaturage, Kuradusenge Janvier, we yabwiye IGIHE ducyesha iyi nkuru ko uyu uyu mugabo yamaze gushyikirizwa ibitaro bya Kabaya kugira ngo azajyanwe mu bitaro byo mu mutwe i Ndera.

Yagize ati “ Ubu tuvugana amaze kugezwa ku bitaro bya Kabaya kugira ngo ejo azajyanwe i Ndera kuvurwa.”

Yakomeje avuga ko ubuyobozi bw’Akarere ka Ngororero n’ubw’Umurenge wa Kavumu uyu mugabo atuyemo bugomba gukurikirana uyu murwayi ndetse bukanita k’umuryango we kuko utifashije.

Uyu mugabo wishe umwana we asigaranye abandi babiri. Umwaka ushize na bwo ngo yakubise umuntu arafatwa amara igihe afunzwe.