Nyagatare:Umugore yatwikishijwe lisansi ashinjwa gutandukanye abakundanye

Amakuru   Yanditswe na: Dusingizimana Remy 5 March 2019 Yasuwe: 5353

Umugore witwa Mutuyimana Odile utuye mu karere ka Nyagatare mu murenge wa Matimba mu kagari ka Byimana yatwikishijwe lisansi,arashya umubiri wose ashinjwa kugira uruhare mu gutandukanya umusore n’inkumi bakundanaga.

Uyu mugore yatwitswe ku mugoroba wo kuri uyu wa Mbere tariki ya 04/03/2019 ubwo uwitwa Mugisha Bahati yasangaga Mutuyimana Odile mu gikoni iwe akamumenaho lisansi umubiri wose bihura n’umuriro ahita ashya agakongoka.

Bivugwa ko Bahati yatwitse Mutuyimana amuhoye ko yajyaye umukobwa wakundanaga na Mugisha witwa Betty mu bukwe bwari bwabereye mu murenge wa Rukomo naho ho muri Nyagatare bakararayo, Mugisha agakekako bari bagiye kumushyingira undi mugabo.

Umunyamabanga Nshingwabikorwa w’Umurenge wa Matimba KARANGWA Edouard yabwiye Ukwezi.rw dukesha iyi nkuru ko aya makuru ari impamo asobanura uko byagenze.

Yagize ati "Nibyo koko Mutuyimana Odile yatwitswe hakoreshejwe essence na Mugisha Bahati amukekaho kuba yarashyingiye umukobwa bakundanaga ku wundi mugabo".

Yakomeje avuga ko Mutuyimana ari kwitabwaho n’ abaganga naho Bahati akaba ari gushakishwa n’ inzego z’ umutekano.

Yagize ati “Uwatwitswe twamaze kumugeza kwa muganga bari kumuvura ngo barebeko bamugarurira ubuzima naho Mugisha Bahati ukekwaho kumutwika we yahise atoroka dufatanije n’inzego zishinzwe umutekano turacyari ku mushakisha".

Mutuyimana watwitswe ari kwitabwaho n’ abaganga bo ku Bitaro bya Nyagatare ngo barebe ko yakira, gusa abamubonye bavuga ko kumuvura bigoye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Urukiko rw’ikirenga rwategetse ko gushushanya Perezida Kagame bikomeza kuba...

Urukiko rw’ikirenga rwategetse ko ’gusebya’ no gushushanya Perezida w’u Rwanda...
24 April 2019 Yasuwe: 2688 0

Kigali: Kapiteni wahoze mu ngabo z’u Rwanda yahiriye mu nzu arapfa

Umusirikare wahoze mu ngabo z’u Rwanda,kapiteni Butare Moses wari utuye mu...
24 April 2019 Yasuwe: 4943 0

Gasabo: Umufundi yapfiriye mu musarani agiye gukuramo telefoni

Umufundi wakoreraga akazi ke k’ubwubatsi mu Murenge wa Remera mu Karere ka...
24 April 2019 Yasuwe: 1428 0

RUBAVU:Yatemewe inka azira kudatanga inkwano[AMAFOTO]

Abantu bataramenyekana batemye inka y’uwitwa Dusengimana Emmanuel wo mu...
23 April 2019 Yasuwe: 2950 0

NYAMIRAMBO:Abakobwa 2 babana bahuje ibitsina barwaniye mu kabari rubura...

Mu Rwanda byatangiye kubona abantu bahuje ibitsina bemeza ko babana ari...
23 April 2019 Yasuwe: 5456 0

Perezida Kagame yatembereje Sheikh Tamim Bin Hamad Al Thani wa Qatar muri...

Nyakubahwa Perezida wa Repubulika y’u Rwanda,Paul Kagame yagiye gutembereza...
22 April 2019 Yasuwe: 4665 0