Nyarugenge: Umurambo w’umusore wagaragaye uri kureremba hejuru y’umugezi wa Nyabugogo

Amakuru   Yanditswe na: Dusingizimana Remy 10 June 2019 Yasuwe: 2440

Umurambo w’umusore utaramenyekana uri mu kigero cy’imyaka iri hagati ya 25 na 30 wagaragaye ureremba mu mugenzi wa Nyabugogo mu Kagari ka Nyamweru mu Murenge wa Kanyinya, akarere ka Nyarugenge, mu gitondo cyo kuri uyu wa Mbere tariki ya 10 Kamena 2019.

Umurambo w’uyu musore wari wambaye agapira k’umukara n’agakabutura gato k’imbere[ mucikopa] wagaragaye mu mugezi wa Nyabugogo ahakunzwe kwitwa Yanze.

Bamwe mu batuye muri aka gace batangarije IGIHE dukesha iyi nkuru ko uyu musore amaze igihe yishwe kuko umurambo we wari watangiye gushanguka.Bavuze ko atavuka muri aka gace ndetse ko ari ubwa mbere bari bamubonye.

Byukusenge Emmanuel yagize ati “ Ntabwo twari tumuzi nibwo twari tukimubona, ashobora kuba atari uwo muri ibi bice.”

Uwitwa Murego Donald avuga ko uyu murambo bawubonye ahagana saa kumi n’ebyiri n’igice za mu gitondo.

Yagize ati “Wabonetse hagati ya saa kumi n’ebyiri n’igice. Ni abagenzi bari hakurya bamubonye agaragara igice kimwe noneho bamaze kubivuga natwe twahise tujyayo duhamagara polisi.”

Yongeyeho ko uyu murambo nta gikomere na kimwe wari ufite.

Umuvugizi wa Polisi mu Mujyi wa Kigali, CIP Marie Umutesi Goretti,yavuze ko bagiye gutanga amatangazo yo kurangisha kugira ngo bamenye umuryango wa nyakwigendera n’imyirondoro ye.

Yagize ati “Ntabwo twari twamenya uwo ari we kuko umurambo wari wamaze kwangirika kandi nta byangombwa yari afite.”

Umurambo wahise ujyanwa ku Bitaro bya Kacyiru kugira ngo ukorerwe isuzuma hamenyekane icyamwishe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble serge Ruganintwali

    ibi biragaragaza ko amarondo akorwa ntacyo amaze.ariko se na none ko baterekana isura y`uwo murambo ngo turebe niba ntaho tumuzi ngo dutange amakuru,bizaherera he?

    4 months ago
  • chat_bubble mahoro jack

    Ariko abakora isuzuma nabo baragowe kabisa.

    4 months ago
  • chat_bubble Masengesho Marcel

    Birababaje.pe!kubona umuntu yicwa akajugunywa muruzi. Police nikurikirane it’s docien amenyekane kandi hagararagare nabagize uruhare murupfurwe. Imana imuhe iruhuko ridashira

    4 months ago

Inzindi nkuru

Rubavu: Abaturage batarimo abanyeshuli bongeye gukoresha umupaka...

Ku mupaka wa Gisenyi na Goma urujya n’uruza rw’abantu rwongeye kuba...
22 October 2019 Yasuwe: 158 0

Rubavu: RIB yataye muri yombi abakozi b’Akarere bane kubera kunanirwa...

Urwego rw’igihugu rw’ubugenzacyaha RIB rwataye muri yombi abakozi bane...
22 October 2019 Yasuwe: 1351 0

Tuyiringire nyuma y’amezi 23 akubitwa anakoreshwa imirimo y’uburetwa muri...

Tuyiringire Elias w’imyaka 24 y’amavuko, avuga ko aruhutse gukubitwa, kurya...
22 October 2019 Yasuwe: 922 0

Minisitiri Busingye yasabye kwakirwa mu isi nshya ya Instagram

Minisitiri w’ubutabera akaba n’intumwa ya Guverinoma Johnston Busingye...
22 October 2019 Yasuwe: 968 0

Leon Mugesera yashinje umucamanza ko amwanga urubanza rurasubikwa

Kuri uyu wa mbere taliki ya 21 Ukwakira 2019, nibwo Dr Léon Mugesera...
21 October 2019 Yasuwe: 2846 2

U Rwanda rwahakanye ku by’ubutumire bwa Uganda ku biganiro na yo bivugwa ko...

Umunyamabanga wa Leta muri Minisiteri y’Ububanyi n’amahanga y’u Rwanda, Amb....
21 October 2019 Yasuwe: 2451 2