Perezida Paul Kagame na Madame Jeannette Kagame bageze mu Bushinwa, aho bitabiriye inama ikomeye yiga ku bufatanye hagati y’icyo gihugu n’umugabane wa Afurika.

Sponsored Ad

Perezida Kagame urimo kuyobora umuryango wa Afurika yunze Ubumwe (AU) yasanzeyo abandi baperezida batandukanye bo mu bihugu biwugize.

Iyo nama yateguwe n’u Bushinwa igamije kongera ubufatanye mu bukungu no mu mikoranire igamije guteza imbere impande zombi.

Iyi nama y’iminsi ibiri izatangira tariki 3 Nzeri 2018, ikazaba ifite insanganyamatsiko igira iti “U Bushinwa na Afurika: kugana ku baturage bahuje intego imwe y’ahazaza kandi ibabyarira inyungu”.