Perezida Kagame yakoze impinduka mu buyobozi bwa RDF

Amakuru   Yanditswe na: Dusingizimana Remy 10 April 2019 Yasuwe: 5626

Perezida wa Repubulika akaba n’Umugaba w’Ingabo w’Ikirenga, Kagame Paul, yakoze impinduka muri bamwe mu bayobozi b’ingabo, aho Lt.Gen Jacques Musemakweli, yagizwe Umugaba Mukuru w’Inkeragutabara.

Itangazo rya rya Minisiteri y’Ingabo ryo kuri uyu wa kabiri taliki ya 09 Mata 2019, ryemeje ko perezida wa Repubulika yazamuye ipeti rya Major Gen Jean Jacques Mupenzi amugira Lt. General amuha n’inshingano zo kuyobora ingabo zirwanira ku butaka. Asimbuye kuri uwo mwanya Lt.General Jacques Musemakweli.

General Mupenzi yari asanzwe akurikiye imyitozo mu kigo cy’imyitozo ya gisirikare cya Gabiro giherereye mu Karere ka Gatsibo, mu Ntara y’Iburasirazuba.

Perezida Kagame kandi yanagize Lt General Jacques Musemakweli umugaba w’Inkeragutabara (Reserve Force) umwanya asimbuyeho Major General Aloys Muganga wari kuri uwo mwanya by’agateganyo.

Major General Aloys Muganga we wagizwe Umuyobozi w’ishami rishinzwe ibikoresho bya gisirikare birimo n’imodoka z’intambara.

Gen. Maj Aloys G. Muganga yahawe imidali itandukanye mu nshingano yagiye akora neza mu gisirikare. Irimo uwo kubohora igihugu, uwo guhagarika jenoside, uw’urugamba rwo hanze y’igihugu, uw’ishyirwaho ry’Umukuru w’igihugu, uw’ibikorwa byo guteza imbere igihugu n’indi.

Afite impamyabushobozi zijyanye n’amasomo ya gisirikare yakuye mu mashuri atandukanye nk’iryo muri Leta Zunze Ubumwe za Amerika ryigisha intambara, United States of America War College (USAWC), mu 2007.

Afite kandi indi yahawe n’ishuri rya Gisirikare muri Kenya kimwe n’izindi zijyanye n’amasomo yakoze.

Yize muri Kaminuza ya Maastricht mu Buholandi aho yakuye impamyabumenyi y’icyicaro cya gatatu cya Kaminuza mu gutegura imishinga.


Lieutenant Général, Jean Jacques Mupenzi yagizwe Umugaba Mukuru w’Ingabo zirwanira ku butaka

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ifoto y’umunsi: Hagaragajwe indamukanyo nshya yafasha abantu guhashya...

Minisitiri w’Ubuzima, Dr Gashumba Diane,n’ukuriye Ingabo mu Ntara y’u...
17 September 2019 Yasuwe: 876 0

Kinuthia waregwaga gutekera umutwe urubyiruko rwo mu Rwanda kuri KCC...

Umunyakenya witwa Kinuthia Charles wari umaze amezi make atawe muri yombi...
17 September 2019 Yasuwe: 1382 0

Polisi y’u Rwanda yatangaje ibihano bikarishye bizajya bifatirwa abantu...

Umuvugizi wa Polisi CP JB Kabera,yatangarije mu kiganiro Waramutse Rwanda...
16 September 2019 Yasuwe: 3541 1

U Rwanda na Uganda bafashe ingamba zirindwi zikomeye zirimo ko Abanyarwanda...

Abahagarariye Leta y’u Rwanda na Uganda bateraniye i Kigali uyu munsi taliki...
16 September 2019 Yasuwe: 5368 0

Niyomukiza Dynamique wigaga muri Kaminuza y’u Rwanda yitabye Imana haburaga...

Umukobwa witwa Niyomukiza Dynamique wigaga muri Kaminuza y’ u Rwanda...
16 September 2019 Yasuwe: 5441 3

Hahishuwe akayabo k’amamiliyari y’u Rwanda ikigega Agaciro kigezeho

Ubuyobozi bw’ikigega Agaciro Development Fund (AgDF), buratangaza ko mu...
16 September 2019 Yasuwe: 3455 1