Perezida Kagame yamaze kugera muri RDC mu muhango wo gushyingura nyakwigendera Etienne Tshisekedi

Amakuru   Yanditswe na: Dusingizimana Remy 31 May 2019 Yasuwe: 4605

Nyakubahwa Paul Kagame yamaze kugera I Kinshasa aharabera umuhango wo gushyingura umunyapolitiki Etienne Tshisekedi,se wa perezida wa Kongo ubu Felix Tshisekedi,wapfiriye mu Bubiligi muri 2017,Kabila akanga ko umurambo we uzanwa muri Kongo ngo ashyingurwe.

Perezida Kagame yagiye kwifatanya n’abakongomani mu gushyingura uyu mugabo watabarutse afite imyaka 84 ndetse umurambo we waraye ugejejwe I Kinshasa.

Nyuma yo gutorwa kwa Perezida Felix Tshisekedi,umubano w’u Rwanda na RDC wongeye kuba mwiza ndetse ibi bihugu byombi byatangije ingendo z’indege aho Rwandair isigaye ijya I Kinshasa ndetse byiyemeje gufatanya muri gahunda yo gushakira umuti ikibazo cy’inyeshyamba zazengereje Kongo.

Etienne Tshisekedi warwanyije abaperezida bose bayoboye Kongo na Zaire nyuma yo kubona ubwigenge,umurambo we wakiriwe n’imbaga nyinshi y’abakongomani bari bambaye imyenda yera basobanura ko uyu nyakwigendera yari umwere imbere ya ruswa.

Biteganyijwe ko uyu munsi hatangira imihango yo kumusezeraho nk’intwari y’igihugu ku kibuga cya Martyr cy’i Kinshasa kijyamo abantu ibihumbi 80.

Etienne Tshisekedi arazwi cyane muri politiki ya Zaire cyangwa Kongo kubera kudashyigikira politiki zimwe na zimwe z’abategetsi Kongo kuva kuri Mobutu Sese Seko.

Yabaye Minisitiri w’intebe w’iki gihugu inshuro eshatu hagati ya 1991 na 1997. Mu kwezi kwa kane 1997 ho yeguye ku mirimo amaze icyumweru kimwe ahawe iyi mirimo.

Ayoboye ishyaka UDPS yaharaniye kenshi mu matora kuyobora Kongo ntiyabigeraho, yakunze kuba mu Bubiligi ari naho yaguye tariki ya 01 Gashyantare 2017 azize uburwayi.

Uretse Perezida Kagame,abandi baperezida b’ibihugu nka Angola, Kongo-Brazaville, Guinée,Togo na Zambia baritabira iyo mihango.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abakoresha Twitter bibukije Twagiramungu Faustin gutanga ubufasha yemereye...

Abanyarwanda batandukanye bakoresha Twitter bibukije Twagiramungu Faustin...
20 September 2019 Yasuwe: 1047 0

Moto zinywa Essence zigiye gucika mu Rwanda[AMAFOTO]

Mu kwezi gushize Perezida wa Repubulika Paul Kagame yateguje abamotari ko...
20 September 2019 Yasuwe: 2047 0

Rubavu: Umuyobozi w’ikigo cy’amashuri yatawe muri yombi azira gusoma umwana...

Umuyobozi w’ikigo cy’amashuri abanza cya Complexe Scolaire de la Fraternite...
20 September 2019 Yasuwe: 1803 0

U Rwanda rwashimiye cyane RDC yishe Mudacumura wayoboraga FDLR

Umunyamabanga wa Leta muri Minisiteri y’Ububanyi n’Amahanga, Amb....
19 September 2019 Yasuwe: 3108 0

Akarere ka Gatsibo karishye ihene z’abaturage 22 ziherutse kwicwa n’urukingo...

Akarere ka Gatsibo kakoze igikorwa cyiza cyo gushumbusha abaturage ba...
18 September 2019 Yasuwe: 579 0

Isoko rya Mimuli ryasenywe n’imvura nyinshi idasanzwe

Isoko rya Mimuli riherereye mu karere ka Nyagatare, Umurenge wa Mimuli,...
18 September 2019 Yasuwe: 1043 0