Perezida Zuma bamwokeje igitutu ati ‘ntacyo nakoze gituma munyirukana shishi itabona’

Amakuru   Yanditswe na: Nsanzimana Ernest 14 February 2018 Yasuwe: 562

None tariki 14 Gashyantare 2018 byari byitezwe ko Perezida Jacob Zuma wa Afurika y’ Epfo atangaza niba yemera kuva ku butegetsi nk’ uko Ishyaka ANC riburiho ribimusaba.

Uyu munyapolitiki w’ imyaka 75 ari ku butegetsi amazeho imyaka 9 dore ko yabugezeho muri 2009 yavuze ko ntacyo yakoze gituma yirukanwa ku butegetsi shishi itabona.

Yagize ati “Ntacyo nakoze gituma nirukanwa shishi itabona. Ntabwo bisobanutse ukuntu iki kibazo cyafashe indi ntera. Ntabwo barimo kumpa ibimenyetso”

Ibi bisobanuye ko yirinze gutangaza niba atanga ubutegetsi nk’ uko ishyaka ANC ryabimusabye.

Inkubiri yo kweguza Perezida Zuma ku butegetsi imaze iminsi dore ko abadepite batoreye inshuro zirenga ebyiri ingingo yo kumweguza kubera ibyaha bya ruswa akurikiranyweho ariko izo nshuro zose bikarangira abadepite bo mu ishyaka ANC batoye ko bakimufitiye icyizere ubwiganze bwabo mu nteko bugatuma ateguzwa.

Kuri iyi nshuro iri shyaka naryo ryamaze kumukuraho icyizere. Biteganyijwe ko ejo tariki 15 Gashyantare 2018 ingingo yo kweguza Perezida Zuma ishobora kongera gutorerwa kuko ANC yatangaje ko nihashira amasaha 24 Zuma ataregura hakoreshwa imbaraga zisumbuyeho.

Perezida Zuma tariki 12 Gashyantare yatangaje ko atanze kwegura, gusa yasabye ko bamuha amezi atatu cyangwa atandatu. Ibi hari bamwe mu basesenguzi ba politiki basanga Perezida Zuma icyo ashaka ari igihe cyo kugira ngo ashake uko azisobanura ku byaha aregwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yavuze aho agejeje amenya ururimi rw’Igifaransa

Perezida wa Repubulika y’u Rwanda Paul Kagame yahishuye ko amaze kumenya...
16 October 2018 Yasuwe: 2800 3

Mu Rwanda hatangijwe amasomo ajyanye n’ubwenge bw’ubukorano azamara...

Ikigo Nyafurika gitanga ubumenyi bushingiye ku mibare, AIMS, cyatangiye...
15 October 2018 Yasuwe: 898 1

Mu mezi 6, u Rwanda rwahombye miliyari 204 n’ abaturage barenga 200 kubera...

Minisiteri y’ Ibiza no gucyura impunzi Midimar, yatangaje ko mu mezi...
15 October 2018 Yasuwe: 620 0

‘Dufite Abanyarwanda bajya kwanduranya mu gihugu cy’abaturanyi’- Gen. Mubarak...

Gen. Mubarak Muganga yaburiye abanyarwanda bajya kwanduranya muri Tanzania...
14 October 2018 Yasuwe: 3605 0

Pro- Femmes Twese Hamwe yishimiye itorwa rya Mushikiwabo

Profemmes Twese Hamwe yishimiye itorwa rya Mushikiwabo Abanyamuryango b’...
13 October 2018 Yasuwe: 329 0

Umwana w’umukobwa yabonye inzoka nini cyane mu cyumba cye nijoro...

Umukobwa witwa Ashleigh Muller w’imyaka 19,ukomoka mu mujyi wa Brisbane muri...
12 October 2018 Yasuwe: 4745 0