Philippe Mpayimana ngo yiteguye kubona amajwi mu banyarwanda baba hanze y’u Rwanda

Amakuru   Yanditswe na: Iyamuremye Janvier 1 August 2017 Yasuwe: 554

Philippe Mpayimana w’imyaka 47 y’amavuko akaba umukandida wigenda ku mwanya w’umukuru w’Igihugu mu matora ateganyijwe tariki ya 04 Kanama uyu mwaka, yatangaje ko yizeye intsinzi mu majwi y’Abanyarwanda bazamutora baba hanze y’u Rwanda.

Philippe uherutse kwibaruka umwana wa Gatanu avuga ko nubwo atabashije gukomereza ibikorwa byo kwiyamamaza mu mahanga atari ikibazo kuko n’ Abanyarwanda baba hanze y’igihugu bamenyeshejwe amatora agiye kuba.

Ibi Mpayimana yabivugiye mu Turere twa Huye, Ruhango na Bugesera aho yakomereje ibikorwa bye byo kwiyamamaza.Yabwiye aba baturage ko natorwa azateza imbere ubuhinzi buri muri iyi Ntara y’Amajyepfo cyane ubw’imyumbati n’ubucuruzi.

Mpayimana ashimangira ko mu minsi amaze yiyamamaza bimuha ishusho y’uko azatsinda amatora ateganyijwe. Aha niho yanavuze ko yiteguye kuzabona amajwi no hanze y’u Rwanda.

Yagize ati “Ntabwo nagiye hanze kwiyamamaza ariko muzi ko ariho navuye nza mu Rwanda, nsanzwe kandi mbana nabo, no mu gihe nari maze kwemerwa kwiyamamaza nabanje kujya hanze y’u Rwanda mpura nabo, ubwo rero niteguye ko bazantora. ”

Mpayimana kandi avuga ko kuba abantu bari hanze bajya basoma, ngo bazi imigabo n’imigambi ye.

Biteganyijwe ko Mpayimana azasoza gahunda yo kwiyamamaza tariki ya 2 Kanama 2017, aho azakora urugendo mu Mujyi wa Kigali, asoreze kuri Sitade Amahoro.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu bakora uburaya 100, haba harimo 46 barwaye SIDA

Ubushakashatsi bwagaragaje ko ikigero cy’ Abanyarwanda banduye agakoko...
6 December 2017 Yasuwe: 3228 0

Leta y’ u Rwanda yagurijwe miliyoni 125$ zo kugeza amashyanyarazi ku...

Kuri uyu wa mbere, u Rwanda rwasinyanye amasezerano na banki y’Isi...
4 December 2017 Yasuwe: 429 2

Umubyeyi yabuze umwana we w’imyaka 3 nyuma yo kumusiga aryamye mu Cyumba cye...

Umubyeyi witwa Kristy Woods ukomoka mu gihugu cya Leta zunze Ubumwe...
30 November 2017 Yasuwe: 1021 0

U Rwanda mu bihugu byafashe mu mugongo Misiri nyuma y’ igitero cyishe...

Guverinoma y’u Rwanda yihanganishije Igihugu cya Misiri n’abaturage bacyo...
25 November 2017 Yasuwe: 487 0

Gasabo: Uruhinja rwatoraguwe mu mugezi rwapfuye birakekwa ko rwatawe n’...

Mu gitondo cyo kuri uyu wa Gatanu tariki 17 Ukwakira 2017 abaturage bo mu...
17 November 2017 Yasuwe: 562 0

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 1047 2