Prefet Anathole wiciwe mu gitero cy’ I Nyaruguru arashyingurwa i Kibeho

Amakuru   Yanditswe na: Nsanzimana Ernest 22 June 2018 Yasuwe: 5062

Iyi paroisse niyo iberamo misa yo gusezerano ku murambo wa Prefet Maniriho Anathole

Kuri uyu wa 22 Kamena nibwo hateganyije umuhango wo gusezera bwa nyuma kuri Maniriho Anathole wari umuyobozi ushinzwe amasomo muri GS Nyabimata wishwe mu gitero cyagabwe mu murenge wa Nyabimata mu ijoro ryo ku wa Kabili tariki 19 rishyira tariki 20 Kamena 2018.

Iki gitero cyagabwe n’ abantu bavuga Ikinyarwanda barenga 20 bari bambaye imyenda ya gisirikare bafite n’ intwaro cyahitanye babiri barimo Maniriho Anathole na Habarurema Joseph wari umucuruzi w’ inyama.

Amakuru agera k’ UMURYANGO aravuga ko umurambo wa Nyakwigendera Habarurema washyinguwe ejo tariki 21 Kamena I Nyabimana ukuwe mu bitaro bya Munini.

Umurambo wa Maniriho urashyingurwa mu irimbi rya Kibeho nyuma yo kumusezeraho mu cyubahiro biteganyijwe ku isaha ya saa tanu no kumusomera misa biteganyijwe saa sita muri paroisse ya Kibeho.


Maniriho Anathole yambaye ikanzu ya Korari Bikiramariya w’ Ikibeho]

Maniriho Anathole wari Umuyobozi ushinzwe amasomo akaba n’ umuririmbyi muri korari y’ abagatolika. Yasize umugore n’ umwana w’ uruhinja. Maniriho yari umuririmbyi muri korari Bikiramariya w’ i Kibeho ari nayo irarimba muri missa yo kumusezeraho bwa nyuma. Maniriho yakoraga mu murenge wa Nyabimata atuye mu murenge wa Kibeho.

Iki gitero kimaze kuba inzego z’ ubutegetsi mu Rwanda zahumurije abaturage bo mu karere ka Nyaruguru n’ Abanyarwanda bose muri rusange zibizeza ko umutekano ugize gukazwa kurushaho.

Aba bagizi ba nabi baturutse mu ishyamba rya nyungwe akaba ari nayo nzira banyuzemo bagenda, basahuye amabutiki yo mu isanteri ya Rumenero mu murenge wa Nyabimata. Minisitiri y’ ubutegetsi Francis Kaboneka yasuye abakomerekeye muri iki gitero barimo Umunyabanga nshibikorwa w’ umurenge wa Nyabimata Nsengiyumva Vincent warashwe ku ijosi na Perezida w’ Inama njyanama y’ umurenge wa Nyabimata Munyaneza Fidele warashwe ku rutugu no ku itako barimo kuvurirwa ku bitaro bya Kaminuza CHUB.

Iki gitero cyagabwe mu mudugudu wa Rwerere akagari ka Nyabimata umurenge wa Nyabimata uhana imbibe n’ igihugu cy’ u Burundi.

Minisitiri Kaboneka mu izina rya guverinoma y’ u Rwanda yemereye ba nyir’ amabutike yasahuwe ko bazafashwa kongera kwiyubaka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RDC yamaganye bikomeye ibyemezo byafatiwe mu nama ya AU

Repubulika iharanira Demokarasi ya kongo yamaganye bikomeye ibyemezo...
18 January 2019 Yasuwe: 2520 0

Gasabo:Gaz yaturitse yica uwari uyitetseho isenya n’ inzu

Umugore witwa Nagapfura Brigitte w’imyaka 35 utuye mu murenge wa Gisozi mu...
18 January 2019 Yasuwe: 3986 0

Minisitiri Nduhungirehe yakozwe ku mutima n’amashusho y’indirimbo ya King...

Umunyamabanga wa leta muri Minisiteri y’Ububanyi n’Amahanga, Amb.Olivier...
18 January 2019 Yasuwe: 2897 0

RRA irishyuza Anne Rwigara imisoro ingana na Miliyari Enye z’amafaranga y’u...

Ikigo cy’imisoro n’amahoro, Rwanda Revenue Authority, kirishyuza Anne Rwigara...
17 January 2019 Yasuwe: 2066 0

Perezida Kagame yababariye ba bana batsindiye ibizamini bya Leta muri...

Umukuru w’igihugu Nyakubahwa Paul Kagame yababariye abana abana 16 barimo...
16 January 2019 Yasuwe: 2244 0

Nyamirambo:Abanyerondo bategetswe kurinda irimbi kubera ibisambo bitaburura...

Abanyerondo b’I Nyamirambo bategetswe kurinda irimbi riherereye ahitwa mu...
16 January 2019 Yasuwe: 1716 0