Kigali

Rulindo: Icyemezo cyo kutagurisha ibigori bibisi ntikivugwaho rumwe

Amakuru   Yanditwe na: 11 February 2017 Yasuwe: 971 0

Bamwe mu baturage b’Akarere ka Rulindo mu Ntara y’Amajyaruguru ntibarumva rumwe n’ ubuyobozi ku cyemezo ubuyobozi bw’Akarere bwafashe cyo kubabuza kugurisha ibigori bibisi.

Ni icyemezo cyafashwe mu gihe abaturage bari bafite akamenyero ko kugurisha ibigori mu muhanda byaba ibitetse, ibyokeje n’ ibibisi. Aba baturage ibi bigori babigurishaga imodoka zica muri aka karere mu muhanda Musanze – Kigali.

Uwitwa Mutabazi Silas wo mu mudugudu wa Muko mu Kagari ka Mukoto mu Murenge wa Bushoki mu Karere ka Rulindo yavuze ko bari bafite ingeso yo kugurisha ibigori bibisi ariko ngo ubuyobozi bw’ aka karere burimo kuyibacaho.

Yagize ati “Kuva kera muri aka gace k’ amajyaruguru twari tumenyereye kotsa no kugurisha ibigori bibisi, rwose vuba aha ubuyobozi bwafashe icyemezo cyo guca iyi ngeso. Umuntu yafata ikigori akagenda aravuza ikondera mu muhanda twacyo byari bidutwaye”

‘Kuvuza ikondera’ ni imvugo ikoreshwa n’ abaturage bo muri ibi bice bashaka kuvuga kurya ikigori cyokeje cyangwa igitetse

Nubwo abari batunzwe no gucuruza ibigori bibisi bavuga ko iki cyemezo kizabahombya, ku rundi ruhande hari abavuga ko iki cyemezo kizabafasha kubona inyungu iruta iyo bari basanzwe babona.

Umwe muri bo yagize ati “Icyemezo ubuyobozi bwafashe twaragishimye kuko umuhinzi yabigurishaga bikiri bibisi akabigurisha ku giciro gito ariko nitubigurisha byumye tuzajya twihagararaho tubigurishe tudahenzwe”

Umuyobozi w’Akarere ka Rulindo Kayiranga Emmanuel avuga ko kubuza abaturage kugurisha ibigori bikiri bibisi ku bahisi n’abagenzi no kubyokereza ku mihanda ari umwanzuro Akarere kafashe mu rwego rwo kubafasha kudapfusha ubusa umusaruro wabo kuko kubihunika no kubitunganya byumye ari byo byagaragaje ko bifitiye akamaro abahinzi kurushaho.

Meya Kayiranga avuga ko hashyizweho gahunda yo guhuza abahinzi n’abashoramari babagurira umusaruro ku giciro cyiza kandi kizwi ,ngo akaba ari na yo mpamvu hagenda hashyirwaho ubwanikiro bwujuje ibisabwa n’ubwo ngo butaragera ku gipimo gikenewe.

Amakuru Ikinyamakuru Umuryango cyamenye ni uko iki cyemezo atari umwihariko w’ akarere ka Rulindo ahubwo ari icyemezo cyafashwe n’ Intara yose y’ amajyaruguru.

Ni icyemezo ubuyobozi buvuga ko kigamiye gufasha abaturage kudapfusha ubusa umusaruro w’ ibigori no kubafasha kwimakaza isuku.

Ibitecyerezo

  • Amategeko n'amabwiriza birkurikizwa


Inzindi nkuru

Indahiro ya Perezida Paul Kagame

Perezida Paul Kagame watorewe kuyobora u Rwanda mu matora yabaye tariki 3...
18 August 2017 Yasuwe: 1797 1

Museveni, Kiir, Kenyatta biyongereye ku rutonde rw’abitabiriye irahira rya...

Mu gitondo cyo kuri uyu wa 18 Kanama 2017, ku Kibuga cy’indege Mpuzamahanga...
18 August 2017 Yasuwe: 2025 0

Abahanzi bashyigikiye Paul Kagame mu kwiyamamaza babucyereye mu irahira...

Abanyarwanda n’inshuti zabo bitabiriye ibirori bitibagirana by’ukurahira kwa...
18 August 2017 Yasuwe: 2507 0

Rwamagana: Umugabo yishe mugenzi we amuteye icyuma bapfa ihene

Polisi y’u Rwanda ikorera mu karere ka Rwamagana yatangaje ko ifunze umugabo...
18 August 2017 Yasuwe: 715 0

Kamonyi: Ingona yishe umugabo wazindutse ajya gushaka amazi

Mu karere ka Kamonyi mu natara y’amajyepfo, umugabo witwa Oreste Habamenshi...
18 August 2017 Yasuwe: 843 0

Gasabo: Umupasiteri arashinjwa iyica rubozo yakoreye umwana yabyaye ku...

Ku wa 17 Kanama 2017 Ubushinjacyaha ku rwego rwisumbuye rwa Gasabo...
18 August 2017 Yasuwe: 1512 1