U Rwanda rwababajwe n’ibihugu bikomeye biri kuburira abaturage babyo kudasura bimwe mu bice byo mu Rwanda

Amakuru   Yanditswe na: Dusingizimana Remy 25 April 2019 Yasuwe: 3688

Mu minsi ishize ibihugu bikomeye birimo Ubufaransa na Canada byaburiye abaturage babyo kwitwararika igihe basuye u Rwanda ndetse bibabwira ko bagomba kwitondera gusura ibice bimwe na bimwe birimo pariki y’Ibirunga ndetse no gusura ibice byegereye umupaka warwo na Uganda,ibintu byababaje u Rwanda.

Ku rubuga rwa Ministeri y’Ububanyi n’Amahanga y’Ubufaransa ahari igice cyagenewe kugira inama abashaka kugirira ingendo mu bihugu binyuranye, haragaragaraho ahantu hatatu ho mu Rwanda, Leta y’ Ubufaransa igira inama abaturage babwo kutajya muri iki gihe.

Ubufaransa ngo ntibwizeye umutekano wo muri Parike y’Ibirunga ariyo mpamvu bwasabye abaturage babwo kwitondera kuyisura.Ubufaransa bwasabye abaturage babwo kwirinda gutemberera ku mipaka y’u Rwanda na Uganda.Abaturage b’Ubufaransa babwiwe ko bakwiriye kwirinda inzira ica ku butaka mu gihe bibaye ngombwa ko bakora urwo rugendo.

Ubufaransa bwasabye abaturage babwo kwirinda gusura ishyamba rya Nyungwe cyangwa ngo baryambukiranye banyuze ku muhanda nyabagendwa.

Canada nayo yanditse ku gice cyagenewe inama zihabwa abaturage bayo bajya mu mahanga, ibwira abajya mu Rwanda ko ‘bakwiye kwitwararika bikomeye bari mu Rwanda bitewe n’ibibazo by’umutekano muke mu bihugu bituranye narwo’.

Mu kiganiro Umunyamabanga wa Leta muri Minisiteri y’Ububanyi n’amahanga ushinzwe Umuryango wa Afurika y’Iburasirazuba (EAC) Nduhungirehe Olivier, yabwiye IGIHE ko ibyo ibi bihugu bitangaza atari byo kandi u Rwanda rugiye kuganira nabyo bikabihindura.

Yagize ati “Ntabwo ari byo, ibyo bandika ntabwo bihuje n’ibiri mu Rwanda, murabizi umutekano hariya mu Birunga no muri Nyungwe urahari, ibyo bavuga ntabwo bihuye n’ukuri ariko tuzabiganira na bo turebe ko babihindura.Tuzabaganiriza tubabaze ariko nyine hagomba kuba harimo na biriya by’icengezamatwara ry’iriya mitwe yitwaje intwaro ivuga ibintu bidahuye n’ukuri.”

U Rwanda rushobora guhura n’ikibazo cy’igabanuka rya ba mukerarugendo kubera aya matangazo yo kubabuza gusura ibice bimwe by’igihugu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Sankara

    Ndumva ibi Sezibera ariwe wagombye kuza kubisobanura. Ndetse agafata indege akajya gusobanurira abo bazungu ko nta gikuba cyacitse.

    4 weeks ago
  • chat_bubble Kanyanjye

    Ikibazo ni kuki bavuze aho hantu? Ese koko nta kibazo gihari? Ese gikemurwa gute? Imbunda ninko kwa Habyarimana inkotanyi zateye akinangira amahanga akaba ariyo amubwira ko agomba kuganira nabo bantu bitaba ibyo bakamukupira kawunga. Yahise yibwiriza. Twagombye kureba niba abo bantu koko ibyo bavuga nta kintu na kimwe gifatika kirimo kuko ubu nibo mu myaka iri imbere hashobora kuza abandi bavugisha urundi rurimi. Ntabwo ubwo twaba tureba kure. Twagwa mu mutego abandi baguyemo.

    4 weeks ago
  • chat_bubble Sekam

    ibi biterwa nuko akenshi tutajya twitaba telephone zabanyamakuru bakorera itangazamakuru mpuza mahanga ngo duhakane ibyo ba Sankara baba bamaze kivugiraho. ririya n’ikosa rikomeye birangira umuturage yigatiye ibyo ba Sankara bavuze kuko umunyamakuru avuga ko yashatse kuvugana nabo kuruhande rwu Rwanda bakanga gufata 4ne. ubu igisigaye ni ugushaka abo bahagarariye ibihugu bose hano bakajyanwa gutemberezwa aho bavuga ko hari umutekano muke, kuko turabizi neza igihugu cyose kiratekanye kandi umutekano nicyo gishoro igihugu cyacu dufite urumva ko ntawapfa kuwuhungabanya duhari.

    4 weeks ago

Inzindi nkuru

Nsabimana Callixte “Sankara” yemeye ibyaha byose ashinjwa avuga ko n’inyoni...

Nsabimana Callixte “Sankara”, yemereye imbere y’urukiko ibyaha byose ashinjwa...
23 May 2019 Yasuwe: 3310 2

Sankara yagejejwe imbere y’urukiko aho agomba kwisobanura ku byaha 16...

Nsabimana Callixte uzwi nka Sankara wigambye ibitero bitandukanye byagiye...
23 May 2019 Yasuwe: 1744 1

Col.Byabagamba yavuze ko afungiwe mu Kato urukiko rutarabitegetse

Colonel Tom Byabagamba wahoze akuriye umutwe w’abasirikare barinda Perezida...
22 May 2019 Yasuwe: 4724 0

Ubushinjacyaha bwashyikirije dosiye ya Nsabimana Callixte “Sankara”urukiko

Ubushinjacyaha bwamaze gushyikiriza urukiko dosiye irimo ibirego bushinja...
22 May 2019 Yasuwe: 1818 0

Umwe mu bana batorotse gereza ya Nyagatare ku munsi w’ejo yafashwe

Umwana witwa Tuyishimire Alphonse watorotse Gereza y’Abana ya Nyagatare...
22 May 2019 Yasuwe: 2696 1

Mu mafoto reba Ingoro y’Inteko Ishinga Amategeko y’u Rwanda uburyo yahawe...

Ingoro y’Inteko Ishinga Amategeko y’u Rwanda imaze iminsi iri kuvugururwa...
22 May 2019 Yasuwe: 4137 0