U Rwanda rwatangaje impamvu inama ya kabiri yiga ku masezerano ya Angola itabaye

Amakuru   Yanditswe na: Dusingizimana Remy 21 October 2019 Yasuwe: 1734

Umunyamabanga wa Leta muri Minisiteri y’Ububanyi n’amahanga,Amb.Nduhungirehe Olivier,yatangaje ko u Rwanda rutegereje ubutumire bwa Uganda ku byerekeye inama ya kabiri yiga ku ishyirwa mu bikorwa ry’amasezerano yasinywe hagati y’u Rwanda na Uganda yo kunoza umubano hagati y’ibihugu byombi.



Amb.Nduhungirehe Olivier yabwiye IGIHE ko Uganda ariyo ifite urufunguzo rw’iyi nama ya kabiri yiga kuri aya masezerano yasinyiwe I Luanda muri Angola,ariyo mpamvu hategerejwe ubutumire buzaturuka i Kampala.

Yagize ati "Abanya-Uganda nibo bagomba gutanga ubutumire, twe ntabwo ari twe dutumira.”

Ku bijyanye n’imyanzuro yafatiwe mu nama ya mbere yabereye I Kigali kuwa 16 Nzeri , Amb.Olivier Nduhungirehe yavuze ko "nta kintu gishya kirabaho".

Mu myanzuro yari yafatiwe muri iyi nama ya mbere, harimo ko inama ikurikiraho yo kureba aho ishyirwa mu bikorwa ry’amasezerano rigeze, yagombaga kuzaba nyuma y’iminsi 30 uhereye igihe inama ya mbere yabereye,ariko ubu iyo minsi imaze kurengaho itanu, u Rwanda rutegereje ubutumire.

Aya masezerano yasinyiwe i Luanda muri Angola ku wa 21 Kanama 2019 hagati y’u Rwanda na Uganda, agamije guhosha ubwumvikane buke bumaze iminsi hagati y’ibihugu byombi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Victoire Ingabire yasanishijwe n’ubutumwa Perezida Kagame yatangiye mu ngoro...

Abakoresha imbuga nkoranyambaga na bamwe mu banyamakuru, basanishije...
15 November 2019 Yasuwe: 0 0

Sobanukirwa iby’ubutaka buri mu mujyi wa Kigali butabyazwa umusaruro bugiye...

Ku wa mbere tariki 11 Ugushyingo 2019 nibwo umujyi wa Kigali watangaje ko...
15 November 2019 Yasuwe: 104 0

U Rwanda rwatesheje agaciro itangazo rya Leta ya Uganda rivuga ku bagande...

Guverinamo y’u Rwanda yatesheje agaciro itangazo rya leta ya uganda rivuga...
15 November 2019 Yasuwe: 690 0

Umubyeyi wa Mutabazi meya w’akarere ka Bugesera yamutunguye mu biro bye...

Umuyobozi w’Akarere ka Bugesera Richard Mutabazi yatunguwe mu biro bye...
15 November 2019 Yasuwe: 2678 0

U Rwanda rwasabye Uganda kwimura ibiganiro bagombaga kugirana mu gushyira...

Nubwo byari biteganyijwe ko kuwa 18 Ugushyingo 2019 aribwo abayobozi b’u...
15 November 2019 Yasuwe: 1174 0

Canopy ikiraro cyo muri Nyungwe cyashyizwe ku mwanya wa mbere ku...

Icapiro “Lonely Planet” ryo muri Australia rizwi mu kwandika ibitabo biyobora...
14 November 2019 Yasuwe: 4484 2