Ubutumwa bw’ akababaro Papa Francis yohereje bwasomwe mu muhango wo gushyingura Mgr Bimenyimana

Amakuru   Yanditswe na: Nsanzimana Ernest 16 March 2018 Yasuwe: 2362

Umushumba wa Kiliziya Gatolika ku Isi Papa Francis yoherereje ubutumwa bw’ akababaro umuryango wa Nyakwigendera Mgr Bimenyimana Jean Damascene watabarutse azize uburwayi bwa kanseri.

Umurambo wa Mgr Bimenyimana washyinguwe muri paruwasi gatolika ya Cyangugu uyu musenyeri yayobora.

Umuhango wo kumushyingura wabaye kuri uyu wa Gatanu tariki 16 Werurwe witabirwa n’abantu barenga 5000 barimo, abihaye Imana baturutse hirya no hino mu Rwanda no mu mahanga, abayobozi mu nzego za Leta n’izigenga, abayobozi b’ingabo na Polisi ndetse n’abakirisitu muri rusange baturutse mu yandi matorero.

Intumwaya ya Papa mu Rwanda Mgr Andrzej Jozwowicz, yatanze ubutumwa bwoherejwe na Papa Fransisco, bufata mu mugongo umuryango w’abagatolika mu Rwanda wabuze umwe mu bashumba ba kiliziya.

Ubwo butumwa bwoherejwe na Papa Fransisco, Mgr Andrzej Jozwowicz niwe wasomye ubwo butumwa yagize ati “Nyuma y’uko Nyirubutungane Papa Francisco amenye inkuru yurupfu rwa Nyiricyubahiro Mgr Bimenyimana Yohani Damascene, yifatanyije e n’umuryango wa Nyakwigendera hamwe n’abakirisito bose ba Diyosezi gatolika ya Cyangugu bakuwemo umushumba wabo wari ukiri muto.”

Yakomeje agira ati “Papa Fransisco yanasabiye uyu mushumba kwakirwa mu bwami bw’ijuru kubera ubudahemuka yakomeje kugaragaza mu murimo w’Imana anasabira, anaha umugisha wihariye abepisikopi bose bo mu Rwanda abakirisitu ba Diyosezi ya Cyangugu, umuryango wa Nyakwigendera, ndetse n’ abantu bose bifatanyije na Musenyeri mu burwayi bwe”.

Nyakwigendera Musenyeri Bimenyimana Jean Damascene yitabye Imana ku itariki 11 Werurwe 2018, azize uburwayi bwa Kanseri bwamufasha mu mwaka wa 2016.

Uyu munsi yashyinguweho ni bwo yujuje imyaka 21 ahawe inkoni y’ubushumba. Yashimiwe ibigwi asize birimo kubaka paruwasi umunani.

Munyentwari Alphonnse wari uhagarariye ubuyobozi bwa Leta yashimangiye ko Mgr Bimenyimana bigaragara koko ko yari umugaragu w’Imana n’uwa Kiziya, asaba abakirisitu bitabiriye uyu muhangogusigarana ibigwi bye ndetse no kumwigiraho, kugira ngo ibyo yatoze bizasakazwe muri benshi.




Uyu wifashe mu gatuza ni intumwa ya Papa mu Rwanda niwe wasomye ubutumwa Papa yohereje

Ababyeyi ba Mgr Bimenyimana basezeye bwa nyuma ku muhungu wabo


amafoto ya Igihe

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abanyarwanda badukanye imisengere idashingiye ku idini na bibiliya

Edward Mubalaka yashyizeho umunsi ngarukamwaka w’amasengesho azajya...
22 September 2018 Yasuwe: 2466 1

Nyamagabe: Batsinze ikizamini kibinjiza mu bakozi ba Leta barahamagarwa...

Bamwe mu bakoze ibizamini byo kwigisha mu mashuri abanza mu karere ka...
22 September 2018 Yasuwe: 3594 3

Abakekwaho kugira uruhare mu rupfu rwa Rtd. CSP Gashagaza uherutse...

CSP Gashagaza yitabye Imana mu ijoro rishyira kuri uyu wa Kabiri, kurubu...
20 September 2018 Yasuwe: 5090 0

Bugesera: Bamwe mu basigajwe inyuma n’amateka bakura inzugi ku nzu zabo...

Umudugudu wa Sumbure uherereye mu kagari ka kanazi,umurenge wa Nyamata ho...
19 September 2018 Yasuwe: 365 0

Mukabalisa yongeye kuba Perezida w’ Umutwe wa Abadepite

Mukabalisa Donatille wari usanzwe ayobora Inteko Ishinga Amategeko, Umutwe...
19 September 2018 Yasuwe: 1066 0

Perezida Kagame yakiriye indahiro z’abagize Inteko ishinga Amategeko(...

Abadepite 80 baherutse gutorerwa kwinjira mu Nteko Ishinga Amategeko y’u...
19 September 2018 Yasuwe: 1227 0