Uganda yahakanye yivuye inyuma ibyo ishinjwa n’uRwanda birimo gukorana n’inyeshyamba zishaka kurwicira umutekano

Amakuru   Yanditswe na: Dusingizimana Remy 6 March 2019 Yasuwe: 2981

Minisitiri w’ububanyi n’amahanga wa Uganda, Sam Kutesa yashyize hanze itangazo rihakana ibyatangajwe n’u Rwanda ko hari bamwe mu bayobozi bayo bakorana n’inyeshyamba zishaka kwangiza umutekano w’u Rwanda.

Nyuma y’ikiganiro Minisitiri w’Ububanyi n’Amahanga w’u Rwanda,Dr Richard Sezibera yagiranye n’abanyamakuru akababwira ko mu bibazo u Rwanda rugirana na Uganda harimo ko harimo bamwe mu bayobozi b’iki gihugu bakorana n’imitwe irwanya ubutegetsi bw’u Rwanda,Sam Kutesa yahakanye ibi birego avuga ko ikibazo cyabo n’u Rwanda kitakemurirwa mu bitangazamakuru.

Sam Kutesa yavuze ko nta bantu bo muri RNC na FDLR bakorana na Uganda,ashimangira ko u Rwanda rubizi neza ko ikibazo cyarwo na Uganda ari ikibazo cyo gucyemurwa mu ibanga kandi ku rwego rwo hejuru atari ikibazo cyo kujyana mu itangazamakuru.

Kutesa yavuze ko mu mahame bagenderaho ari uko nta muntu n’umwe bakwemerera ko yacumbika ku butaka bwabo kugira ngo ahemukire umuturanyi wabo ndetse ko babizi neza ko umutekano wabo utabasha kugerwaho igihe mu karere hari ibibazo,ariyo mpamvu bakorana n’imiryango ya EAC,ICGLR,IGAD na AU.

Mu itangazo rya Kutesa yahakanye ko nta Banyarwanda batoterezwa muri Uganda ko ari ibinyoma by’u Rwanda ahubwo ngo iki gihugu gihora giteze yombi mu kwakira abantu baturutse mu mahanga yose barimo n’Abanyarwanda.

Kutesa yavuze ko nta muntu uhohoterwa ku butaka bwa Uganda iyo yubahirije amategeko mu gihe u Rwanda rwo ruvuga ko rumaze kwakira abantu basaga 986 bajugunywe ku mupaka bagizwe intere n’abashinzwe umutekano wa Uganda.

Minisitiri Dr.Sezibera Richard yavuze ko Uganda ikorana na RNC ya Gen.Kayumba Nyamwasa n’indi mitwe ishaka guteza umutekano muke mu Rwanda irimo na FDLR.

Yagize ati “Ikibazo cya kabiri n’icy’abantu bashaka guhungabanya umutekano w’u Rwanda barimo RNC,FDLR n’abandi bakorera ibikorwa byabo muri Uganda bakoranye n’abayobozi bamwe muri Uganda.Nabyo twabigejeje kuri Uganda turifuza ko byabonerwa igisubizo.”

Uganda yavuze ko nta bacuruzi b’abanyarwanda yabangamiye nkuko u Rwanda rubibashinja,ahubwo ngo ikora ibishoboka byose ngo iteze imbere ubuhahirane mu bihugu bituranyi birimo n’u Rwanda.



Ibaruwa Sam kutesa yanditse asubiza ku bibazo 3 Dr.Sezibera yavze ko bafitanye na Uganda

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ingabire Yvonne umukobwa witinyutse agatwara ibikamyo bivana imizigo ku...

Umunyarwandakazi Ingabire Yvone w’imyaka 28, n’umwe mu bakobwa bitinyutse...
19 July 2019 Yasuwe: 4978 2

Habumuremyi yasobanuye inzira yanyuzemo kugira ngo imodoka imusige nyuma...

Habumuremyi Jean Baptiste bakunze kwita ‘John’ utuye mu Mujyi wa Muhanga mu...
19 July 2019 Yasuwe: 6226 1

Perezida Kagame yifatanyije n’umuryango wa senateri Bishagara washyinguwe...

Nyakubahwa perezida wa Repubulika Paul Kagame yifatanyije n’umuryango wa...
19 July 2019 Yasuwe: 4748 0

Nyiringabo Claudine witeguraga ubukwe yaguye mu mpanuka y’imodoka ajya...

Umukobwa witwa Claudine Nyiringabo wo mu Murenge wa Macuba mu Karere ka...
19 July 2019 Yasuwe: 6780 2

KICUKIRO:Ikamyo nini itwara amavuta yaturitse ihitana ubuzima...

Abantu babiri bahitanywe n’ iturika ry’ ikamyo itwara amavuta yasudirwaga n’...
19 July 2019 Yasuwe: 3169 0

Rulindo: Umurambo wa DASSO wavumbuwe mu ishyamba n’abana bashakaga...

Umu DASSO witwa Nshimiyimana Denis wakoreraga mu murenge wa Cyinzuzi mu...
18 July 2019 Yasuwe: 2500 0