Umugore wa Habyarimana yiyemeje kujurira icyemezo cyo guhagarika iperereza ku ihanurwa ry’indege ye

Amakuru   Yanditswe na: Dusingizimana Remy 27 December 2018 Yasuwe: 3786

Umugore w’uwahoze ari perezida w’u Rwanda Juvenal Habyarimana witwa Agatha Kanziga yiyemeje kujurira icyemezo cyafashwe n’abacamanza b’Abafaransa cyo guhagarika iperereza ku wahanuye indege y’umugabo we muri 1994.

Umunyamategeko wa Agatha Kanziga wari umugore wa Habyarimana, Philippe Meilhac, kuri uyu wa Gatatu yabwiye France 24 ko bagiye kujurira icyemezo cyafashwe n’abacamanza b’Abafaransa cyo guhagarika iperereza ku wahanuye indege ya Habyarimana wahoze ari perezida w’u Rwanda.

Yagize ati “Agathe yizeye ko urubanza ruzashoboka. Abacamanza bafashe umwanzuro mu bwisanzure bwabo. Ubu biragaragara ko hejuru y’iyi dosiye hihishe ikintu gikomeye, unarebeye uko umubano mu bya dipolomasi wagiye uhinduka. Kuva naba umunyamategeko, sindabona aho ubuhamya bw’abantu barindwi buteshwa agaciro.

Nk’umunyamwuga, nzi ko iyo urubanza rugeze kuri uru rwego, hari ibyo abatangabuhamya bashobora kunyuranya ariko ntabwo bose basubizwa inyuma. Niyo mpamvu tuzitabaza urukiko rw’ubujurire.”

Mu 1997 nibwo umwe mu muryango w’Umufaransa waguye mu ndege Falcon 50 yari itwaye Habyarimana na perezida w’u Burundi Cyprien Ntaryamira, yarashwe ku wa 6 Mata 1994, yatanze ikirego i Paris asaba ko hakorwa iperereza ku wahanuye iyi ndege byatumye ritangira mu mwaka wa 1998, riyobowe n’umucamanza Jean-Louis Bruguière.

Nyuma y’imyaka 20 hakorwa iri perereza abacamanza 2 barikoraga Jean-Marc Herbaut na Nathalie Poux bararihagaritse burundu bavuga ko babuze ibimenyetso bihagije.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Urukiko rw’ikirenga rwategetse ko gushushanya Perezida Kagame bikomeza kuba...

Urukiko rw’ikirenga rwategetse ko ’gusebya’ no gushushanya Perezida w’u Rwanda...
24 April 2019 Yasuwe: 2842 0

Kigali: Kapiteni wahoze mu ngabo z’u Rwanda yahiriye mu nzu arapfa

Umusirikare wahoze mu ngabo z’u Rwanda,kapiteni Butare Moses wari utuye mu...
24 April 2019 Yasuwe: 5038 0

Gasabo: Umufundi yapfiriye mu musarani agiye gukuramo telefoni

Umufundi wakoreraga akazi ke k’ubwubatsi mu Murenge wa Remera mu Karere ka...
24 April 2019 Yasuwe: 1437 0

RUBAVU:Yatemewe inka azira kudatanga inkwano[AMAFOTO]

Abantu bataramenyekana batemye inka y’uwitwa Dusengimana Emmanuel wo mu...
23 April 2019 Yasuwe: 2960 0

NYAMIRAMBO:Abakobwa 2 babana bahuje ibitsina barwaniye mu kabari rubura...

Mu Rwanda byatangiye kubona abantu bahuje ibitsina bemeza ko babana ari...
23 April 2019 Yasuwe: 5462 0

Perezida Kagame yatembereje Sheikh Tamim Bin Hamad Al Thani wa Qatar muri...

Nyakubahwa Perezida wa Repubulika y’u Rwanda,Paul Kagame yagiye gutembereza...
22 April 2019 Yasuwe: 4665 0