Kigali

Abagenzi batangiye gusoma ibitabo mu modoka rusange

Amakuru   Yanditswe na: Iyamuremye Janvier 7 February 2018 Yasuwe: 1488

Abagenzi batega imodoka mu buryo bwa rusange mu mujyi wa Kigali, batangiye kuzigendamo basoma ibitabo. Ubu ni ubukangurambaga bwiswe “Gira Igitabo mu Rugendo” bugamije gutoza Abanyarwanda umuco wo gusoma ibitabo aho bari hose.

Ubukangurambaga bwiswe “Gira igitabo mu Rugendo” bwatangirijwe muri gare ya Nyabugogo. Abagenzi batega imodoka, batangiye kuzigendamo basoma ibitabo, barangiza urugendo bakabisubiza mu bubiko bwabyo kugira ngo n’abandibazigendamo babone ibyo basoma.

Nkurunziza Fred, umwe mu baturage mu karere ka Nyarugenge twasanze muri gare ya Nyabugogo yagize ati, "...rimwe na rimwe abenshi mu bona ko abari mu rugendo bigumira kuri telefone, abandi bazivugiraho basakuriza abo bicaranye ariko mu byukuri iyo igiye ku rugendo ufite igitabo ugenda usoma ugera aho ugiye utarambiwe nta stress"

Iyi gahunda ya “Gira igitabo mu Rugendo” yatangijwe ku bufatanye bwa minisiteri ya Siporo n’umuco, umujyi wa Kigali n’umuryango mpuzamahanga wita ku burenganzira bw’abana Save The Children.

Mutesi Gasana ayobora ikigo gitunganya ibitabo “ARISE EDUCATION” ari nacyo cyatanze ibitabo byashyizwe mu modoka zitwara abagenzi yavuze ku bwoko bw’ibitabo byashyizwe muri izi modoka. Ati, "...ibyo twashyize muri bus z’umujyi wa Kigali, ni inkuru ngufi kubera ko urugendo runini kuva hano muri gare kugera kanombe ni iminota iri hagati ya 15 na 30 dushyizemo igitabo cy’amapaje 200 ntabwo umuntu yaba yagisomye kandi ugarutse nta mahirwe yo kongera kukibona ngo ukomerezeho, twashyizemo inkuru nto z’ikinyarwanda, zivuga ku mateka y’U Rwanda ikindi kandi ni inkuru zisanzwe".

Abanyarwanda bashishikarijwe kurangwa n’umuco wo gusoma aho bari hose kuko ari isooko y’ubumenyi. Luann Gronhovd ushinzwe uburezi mu muryango nterankunga w’abanyamerika (USAID) avuga ko bazakomeza gushyigikira ubu bukangurambaga. Yagize ati, "..turashaka kubaka umuco wo gusoma no kwandika mu banyarwanda, turashaka ko abaturage bagira ibitabo, bagasomera mu ngo zabo, mu miryango, aho bari hose bafite igihe, kugira ngo tubatoze uyu muco wo gukunda gusoma ibitabo, urabona muri bus ni ahantu abaturage bamara igihe ntacyo bakora"

Ubu bukangurambaga bwiswe "Gira igitabo mu Rugendo" bwatangirijwe mu modoka 12 zitwara abagenzi mu buryo bwa rusange mu mujyi wa Kigali, ariko intego nuko uyu mwaka uzarangira ibitabo bigejejwe mu modoka zigera ku 100. Imodoka imwe ikaba ishyirwamo ibitabo 100 byanditswe mu rurimi rw’Ikinyarwanda.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yaburiye Ingabire Victoire ko ashobora gusubira muri...

Perezida w’ u Rwanda Paul Kagame yakomoje ku mbabazi ziherutse guhabwa...
19 September 2018 Yasuwe: 3189 0

U Rwanda rurimo kwitegura kwakira abakuru b’ ibihugu bivuga Icyongereza

Ihuriro ry’Ubuyobozi bw’Inzego z’ibanze mu muryango Commonwealth(CLGF)...
18 September 2018 Yasuwe: 713 0

Igihe Abadepite bashya baherutse gutorwa bazarahirira cyamenyekanye

Abadepite baherutse gutorerwa kwinjira mu Nteko Ishinga Amategeko y’u Rwanda...
18 September 2018 Yasuwe: 593 0

Ingabire Victoire ngo agiye gusabira imbabazi abarimo na Diane...

Umunyapolitiki utavugarumwe n’ Ubutegetsi bw’ u Rwanda akaba n’ umuyobozi w’...
17 September 2018 Yasuwe: 4519 0

U Rwanda rwagennye ba Ambasaderi bashya muri Kenya na Mozambique

Claude Nikobisanzwe Leta y’ u Rwanda yakoze impinduka mubijyanye na...
17 September 2018 Yasuwe: 1305 1

Pan African Movement yahaye Abanyarwanda barenga 200 ubwisungane mu...

Abanyamuryango ba Pan African Movement (PAM) mu karere ka Kicukiro bakoze...
16 September 2018 Yasuwe: 203 0