Kigali

Abayobora amashyirahamwe y’ imikino bagiye kujyanwa mu itorero

Amakuru   Yanditswe na: 30 December 2016 Yasuwe: 414

Mu gihe gahunda ya Leta y’ u Rwanda ari uko buri mu Rwanda agomba kuba intore, bivuze kuba baratorejwe mu itorero ry’ igihugu, kuri abatahiwe gutozwa ni abayobozi b’Amashyirahamwe y’imikino itandukanye mu Rwanda n’abo bafatanya.

Bagiye kujyanwa mu Itorero ry’Igihugu, i Nkumba mu Karere ka Burera bigishwe byinshi ku ndangagaciro zikwiye kuranga Umunyarwanda n’uko bakwiye kuba inkingi z’iterambere baharanira gukora ibihesha igihugu isura nziza

Umutahira Mukuru w’Itorero ry’Igihugu, Boniface Rucagu yatangarije Igihe ko nyuma y’ibyiciro bitandukanye by’Abanyarwanda byagiye bijyanwa mu Itorero kwigishwa indangagaciro na kirazira, ubu hatahiwe abayobozi b’Amashyirahamwe y’imikino itandukanye n’abo bafatanya bazerekeza i Nkumba hagati ya tariki 19-29 Mutarama 2017.

Ati “Biramutse bidahindutse turateganya Itorero ry’abayobozi b’Amashyirahamwe y’imikino rizatangira tariki 19 Mutarama umwaka utaha. Kubatoza byo ni nk’uko twatoje ibindi byiciro by’Abanyarwanda, bazakora imyitozo ngororamubiri ndetse banigishwe indangagaciro yo guhuza no kugana mu cyerekezo kimwe.”

Yakomeje agira ati “Kuba Abanyarwanda bajya mu Itorero ni ukugira ngo ibyo bakora byose babyubakire ku ndangagaciro kugira ngo bibashe kuramba, bibagirire akamaro kandi bikagirire n’igihugu. Kuko twabonye ko mu gihe bakoze nta ndangagaciro aho kubaka igihugu ahubwo baragisenya.”

Rucagu yanavuze ko mu gihe aba bayobozi bazaba bamaze guhugurwa hazatekerezwa no ku bakinnnyi mu mikino itandukanye nabo bakajya guhugurwa kuko nk’abantu bakunda guhagararira igihugu mu mahanga hari uburyo bwihariye baba bagomba kwitwara kugira ngo bagiheshe isura nziza.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kera Abanyarwanda babyinaga amahoro n’ iterambere bidahari- Kangwagye

Umuyobozi mu Rwego rw’Igihugu rw’Imiyoborere (RGB) Ushinzwe Imitwe ya...
23 April 2018 Yasuwe: 561 1

Ntaribasoba ngo yumvise aruhutse ubwo Nguzumubira yiregaga ko ariwe...

Umukecuru witwa Adele Ntaribasoba n’ umugabo witwa Nguzumubira Gabriel...
20 April 2018 Yasuwe: 1379 1

Abagore baragaya bagenzi babo bigometse ku bagabo babo babyita...

Abagore bo mu ntara y’iburasirazuba bavuze ko hari bagenzi babo bumvishe...
20 April 2018 Yasuwe: 662 1

Gitifu wa Nyabihu yasezeye ku mirimo

Ngabo James Umunyamabanga Nshingwabikorwa w’Akarere ka Nyabihu yasezeye ku...
18 April 2018 Yasuwe: 2850 0

Abasenateri basuzumye amategeko agenga ibigo bya Leta

Abasenateri bahuriye mu nteko rusange y’igihembe kidasanzwe yari yatumiwemo...
17 April 2018 Yasuwe: 454 0

Busabizwa niwe meya w’ agateganyo w’ umugi wa Kigali

Nyuma y’ uko Nyamulinda Pascal wari Umuyobozi w’ umugi wa Kigali yeguye mu...
16 April 2018 Yasuwe: 5324 1