skol
Kigali
startimes

Amb.Nduhungirehe Olivier yongeye kugirirwa icyizere na Perezida wa Repubulika nyuma yo gukurwa muri Guverinoma

Amakuru   Yanditswe na: Dusingizimana Remy 15 August 2020 Yasuwe: 2235

Perezida Paul Kagame yongeye kugirira icyizere Olivier Nduhungirehe amugira ambasaderi w’u Rwanda mu Buholandi nkuko Itangazo ry’ibyemezo by’Inama y’abaminisitiri ryabitangaje.


Amb.Olivier Nduhungirehe wari amezi ane akuwe muri Guverinoma kubera imikorere yakunze kumuranga yo gushyira imbere imyumvire ye aho gushingira kuri politiki za Leta,yongeye kugirirwa icyizere asubizwa ku mwanya yahozeho wo kuba Ambasaderi.

Mu butumwa Nduhungirehe yashyize kuri twitter nyuma y’itangazo ry’ibyemezo by’inama y’abaminisitiri yo ku wa 14 Kanama 2020,yashimiye Perezida Kagame yongeraho ko azakoresha ubwitange n’ubunararibonye afite agateza imbere umubano mwiza, n’iterambere hagati y’ u Rwanda n’Ubuholandi.

Yagize ati: “Ndanyuzwe kandi ndashima Nyakubahwa Perezida Paul Kagame ku kizere angiriye, kuko yangize Ambasaderi w’u Rwanda mu Bwami bw’Ubuholandi (Netherlands). Niyemeje gukoresha ingufu n’ubunararibonye mfite mu guteza imbere imibanire myiza ndetse n’ubuhahirane mu by’ubukungu n’u Buholandi kimwe n’ibindi bihugu bibibarizwa muri ubwo bwami. ”

Muri Mata 2020 nibwo Amb. Nduhungirehe yirukanywe muri guverinoma y’u Rwanda kubera imikorere yakunze kumuranga yo gushyira imbere imyumvire ye aho gushingira kuri politiki za Leta.

Nduhungirehe mbere y’uko yirukanwa yari Umunyamabanga wa Leta muri Minisiteri y’Ububanyi n’amahanga ashinzwe ubutwererane mu muryango w’Afurika y’Iburasirazuba.

Nduhungirehe w’imyaka 45 y’amavuko afite impamyabumenyi y’Ikiciro cya Gatatu cya Kaminuza (Masters) mu icungamari (Gestion Fiscale) yavanye muri Kaminuza ya ULB (Université Libre de Bruxelles-Institut Solvay).

Afite kandi Impamyabumenyi y’Ikiciro cya Kabiri cya Kaminuza mu mategeko yaherewe muri UCL (Université Catholique de Louvain).

Kuva mu mwaka wa 2007 yatangiye guhabwa inshingano z’ububanyi n’amahanga; yabaye Umujyanama wa mbere muri Ambasade y’u Rwanda muri Ethiopia (2007-2010) n’i New York muri Amerika.

Yavuye muri Amerika muri Gicurasi 2015 agizwe Umuyobozi Mukuru w’agateganyo muri Minisiteri y’Ububanyi n’Amahanga n’Ubutwererane ushinzwe imiryango mpuzamahanga, nyuma aza kugirwa Ambasaderi w’u Rwanda mu Bubiligi tariki 10 Nzeri 2015 aho yamaze imyaka ibiri.

Azwiho kuba ari umunyapolitiki ukoresha cyane urubuga rwa twitter mu gutanga amakuru no gutambutsa ibitekerezo bye.

Uretse Nduhungirehe abandi bagizwe ba ambasaderi ni Zaina Nyiramatana wagize ambasaderi w’u Rwanda mu bwami bwa Maroke, Karabaranga Jean Pierre wagizwe ambasadei w’u Rwanda mu gihugu cya Senegal na Mutsindashyaka Theoneste wagizwe ambasaderi w’u Rwanda muri Repubulika ya Kongo(Congo).

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Paul Rusesabagina yahishuye ko ubwo yatabwaga muri yombi yari aziko agiye...

Kuwa Kabiri tariki ya 15 Nzeri 2020, Paul Rusesabagina watangiye igifungo...
18 September 2020 Yasuwe: 5277 1

Amasaha yo kugera mu rugo yavuye Saa Moya z’ijoro ashyirwa saa...

Inama y’Abaminisitiri yayobowe na Perezida Kagame kuri uyu wa Kane tariki ya...
11 September 2020 Yasuwe: 3010 0

U Rwanda rwasabiwe gufatirwa ibihano bitewe n’ifatwa rya Paul...

MRCD-Ubumwe, Ihuriro rihuza amashyaka arwanya ubutegetsi bw’u Rwanda,...
8 September 2020 Yasuwe: 20700 2

“Hakenewe Ubucuti buzima”-Perezida Kagame abwira Uganda n’Uburundi

Nyakubahwa Perezida wa Repubulika,Paul Kagame, yaganiriye na RBA, ku ngingo...
6 September 2020 Yasuwe: 2754 0

Ben Rutabana byavuzwe ko yishwe n’u Rwanda,byemejwe ko ari muzima aho ari...

Umunyarwanda Ben Rutabana ufite ubwenegihugu bw’u Bufaransa, waburiye ku...
2 September 2020 Yasuwe: 11095 0

Minisitiri w’Ibidukikije Dr. Mujawamaliya "yihanangirije" Minisitiri...

Taliki 19/8/2020 Minisitiri w’Ibidukikije Dr. Mujawamaliya Jeane D’Arc...
25 August 2020 Yasuwe: 22947 4