Kigali

Debonheur wasimbujwe Minisitiri Kamayirese ngo Perezida Kagame aracyamufitiye icyizere

Amakuru   Yanditswe na: Nsanzimana Ernest 22 October 2018 Yasuwe: 2564

Debonheur Jean d’ Arc wari Minisitiri w’ Ibiza no gucyura impunzi yavuze ko Minisitiri Germaine Kamayirese wagizwe Minisitiri w’ Ubutabazi arinayo Minisiteri yasimbuye MIDMAR yari umuvandimwe akaba n’ umujyanama we yongeraho ko Perezida Kagame akimufitiye icyizere nubwo yamusimbuje.

Debonheur yabitangaje kuri uyu wa mbere tariki 22 Ukwakira 2018, mu muhango w’ ihererekanyabubashya. Muri uyu muhango Debonheur yafashwe n’ ikiniga ahagarika ijambo gato.

Ati “Murihangana wenda ku bw’ikiniga ngize (asekamo gake) ubusanzwe ni amatage, gutandukana birangora, nicyo kibazo mba ngize.”

De Bonheur yashimiye Perezida Kagame wamugiriye icyizere cyo kuba Minisitiri kuva ku wa 31 Kanama 2017 kugeza tariki 18 Ukwakira 2018. Uyu mubyeyi w’ imyaka 40 y’ amavuko yavuze ko agiye gukomeza gukorera igihugu agaragaza ko Perezida Kagame akimufitiye icyizere nubwo yamusimbuje.

Yagize ati “Ndashimira cyane Umukuru w’Igihugu ku cyizere yari yarangiriye kandi n’ubundi sinshidikanya ko akikimfitiye, gusa iyo umutoza afite ikipe agira uburyo asaranganya abakinnyi kugira ngo umukino ukomeze neza.”

Yanashimiye Minisitiri Kamayirese umusimbuye ko yamubereye umuvandimwe akamugira inama nk’umuntu umaze igihe muri Guverinoma.

Minisitiri Kamayirese yamushimiye akazi yakoze n’ibyo yagejeje kuri iyo minisiteri, avuga ko agiye gukomereza aho afatanyije n’abandi bakozi.

Ati “Gukorera hamwe ngira ngo ni ihame ridakuka, yaba iyi minisiteri, yaba igihugu cyacu, muzi ko ariyo ntego, ari nayo nshingano kugira ngo tugeze iterambere ku gihugu, noneho byaza ku gutabara abanyarwanda bikavuga ko ari umwihariko udasanzwe.”

Minisiteri Kamayirese yari asanzwe ari Umunyamabanga wa Leta ushinzwe ingufu n’amazi muri Minisiteri y’Ibikorwa Remezo. Yagizwe Minisitiri wa Minisiteri ishinzwe ibikorwa by’Ubutabazi mu mpinduka zakozwe na Perezida Kagame ku wa 19 Ukwakira 2018.

De Bonheur Jeanne D’Arc usanzwe ari Umunyamategeko w’umwuga, nta mwanya yigeze ahabwa muri Guverinoma nshya.



Minisitiri Kamayirese Germaine

Amafoto: Igihe

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 3732 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 1917 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5395 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3261 0

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 1268 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 476 0